Hoxe, Antía Yáñez na nosa biblio!!!!

 Hoxe, da man do proxecto Hackers Sen Fronteiras, programa no que estamos inmersos baixo os auspicios de Enxeñería Sen Fronteiras Galicia, recibimos a Antía Yáñez, que non virá a falar dos seus libros senón que partillará con nós o seu oficio nun obradoiro de escritura creativa con temática distópica. Formidable actividade para "despedir póstumamente" a nosa anterior campaña "Un mundo feliz?" , que nos acompañou durante os cursos 20-21 e 21-22.

Neste programa Hackers Sen Fronteiras xa puidemos gozar doutras actividades, como varias charlas-obradoiro sobre desenvolvemento sostible ou mulleres nos ámbitos STEM. Tamén están en proceso uns obradoiros sobre Electrónica e ética par computadores, en colaboración co departamento de Tecnoloxía. 

Velaquí as obras de Antía Yáñez que podedes atopar na nosa biblio. Están de camiño algunhas outras que pronto teremos nos nosos andeis.

EDITAMOS!!!!!

A experiencia foi un éxito, e o alumnado do club de lectura participou activamente da actividade. Tan metidos estivemos no fragor da batalla que nin fotos sacamos do evento!!! Por sorte, Antía tivo a ben firmarnos os exemplares dos seus libros con fermosas dedicatorias. Graciñas!!!

Presentación de Entre_Vistas na Casa dos Poetas

 Que bonito e concorrido foi o acto de presentación do libro de fotopoesía Entre_Vistas! Ben arroupados por pequenos e grandes, os autores do libro contáronnos experiencias e anécdotas, houbo tempo para os parabéns, o recitado de poemas do libro e a música. Tamén as autoridades fixeron acto de presencia apoiando esta fermosa iniciativa. Deixámosvos unhas imaxes que a Fundación Curros moveu polas súas redes sociais (moitísimas grazas tamén!).

É unha sorte poder continuar colaborando cole e instituto, pequenos e grandes, profes e familias, e institucións da vila e provinciais. Adiante Basket x Libros!!!

Na nosa biblio xa podedes colaborar levando o libro por só 10 "ouriños" de donativo!

Emilia Pardo Bazán, a violencia de xénero e as alumnas que retornan.

 Poderiamos meter esta entrada no apartado "cousas riquiñas que pasan na nosa biblio"... Encántanos que as nosas exalumnas volvan ao centro como profes en prácticas, e gústanos aínda máis que o fagan con esta enerxía e creatividade.

Así presenta ela esta actividade audiovisual que abordou co noso alumnado:

"En relación co currículo educativo, no que se impón a obrigatoriedade e importancia de traballar de maneira transversal a igualdade entre homes e mulleres e a prevención da violencia de xénero, deseñouse unha práctica docente cuxo obxectivo é dar maior visibilidade entre os adolescentes a dita problemática social e analizala a través dalgúns contos de Emilia Pardo Bazán (1851-1921), quen quixo dar voz ás súas conxéneres e destapar as miserables situacións das que eran vítimas —subordinación, ameazas, insultos, etc.—, moitas delas aínda vixentes na actualidade. Para lograr os obxectivos propostos contouse coa participación do alumnado de Literatura Universal de 1º de Bacharelato do curso 2021-2022, que convertidos en actores e actrices durante uns días, realizaron dúas curtametraxes que versan sobre a violencia de xénero. Para isto baseáronse en dous contos da autora galega: La puñalada e Los huevos arrefalfados. Na curta Los huevos arrefalfados, os alumnos e as alumnas tentan fomentar e remarcar a necesidade de por freo e denunciar as situacións de maltrato, tanto dende a posición da vítima como dende o propio entorno, posto que en ocasións a persoa que as sofre non ten a capacidade ou os medios precisos para facelo. Este traballo puido levarse a cabo grazas á axuda de Mº Teresa Devesa Graña e Carlos Alonso Abad, profesores do IES Celanova Celso Emilio Ferreiro, que me concederon o tempo e os medios necesarios así como a cooperación e os consellos fundamentais para acadar o resultado final, e de María López Sández, profesora da Universidade de Santiago de Compostela e titora deste TFM, que estivo atenta a todo o proceso e resolutiva ante as dificultades e as modificacións precisas."

Parabéns, Emma Valado Vilariño!

Atención! Presentación de ENTRE_VISTAS: fotopoesía en libro!

 Xa sabedes que en decembro presentouse a exposición ENTRE_VISTAS, fotopoesía a cargo de Xoan Carlos Domínguez Alberte e Juan Vila Oural, na que puidemos adquirir fermosas postais para agasallar, a beneficio da Asociación Basket x Libros, o noso querido club de lectura e deportivo.

Pois ben, toda esa beleza tornouse libro, e será presentado na Casa dos Poetas o vindeiro venres 3 de xuño, ás 20.30. Non faltedes! Tamén nesta ocasión as donacións terán como beneficiaria á Asociación Basket x Libros. Parabén a todas as persoas colaboradoras por esta iniciativa!

Basket X Libros e os seus agasallos culturais

 Comezamos o ano con esta estupenda crónica periodística de Laura Fernández que fala do noso proxecto común co cole de Celanova, o CEIP Curros Enríquez: o noso club de lectura Basket x Libros, que segue a darnos moitas sorpresas agradables.

Como xa vos explicamos nesta bitácora, da man de Juan Vila e Xoan Carlos Domínguez Alberte, podedes agasallar cultura aos vosos achegados cuns fermosos fotopoemas impresos ou en forma de taza, que podedes atopar en varios establecementos de Celanova: Conde, Xestos, Núñez Enríquez, Muíños e Memé. Agasallos ben exclusivos para que os Reis sorprendan o vindeiro xoves. 

E tamén estades a tempo de visitar a fermosa a exposición de todos estes fotopoemas, Entre_Vistas, que vos agarda na Casa dos Poetas.

O dito, que lle botedes unha ollada a esta nova que explica moi ben o espírito de Basket X Libros e algúns dos puntos importantes da súa andadura, e que nos fai darnos de conta do fermoso que é o proxecto e do ben que está a medrar. 

Máis información sobre a exposición: Inauguración da Exposición Entre_Vistas

Pica na imaxe do periódico para ver o artigo completo.

Inauguración da exposición ENTRE_VISTAS

Estamos encantadas polo ben que saiu a presentación da exposición de fotopoemas ENTRE_VISTAS, na que Juan Vila aportou as imaxes e Xoan Carlos Domínguez Alberte a literatura. 

Acudiron ao acto veciños e veciñas, nais e pais, alumnos e alumnas, poetas, representantes do concello e algúns profes. Parécenos moi importante e significativo o feito de reunir a membros das comunidades educativas dos centros públicos da vila (cole e instituto) en colaboración estreita co concello para apoiar ao noso querido proxecto Basket X Libros, que como sabedes, levamos a cabo conxuntamente co CEIP Curros Enríquez. Bravo! 

O evento, no que interviñeron os artistas e o alcalde, e no que se leron unhas palabras de apoio do director do IES, contou tamén con poesía e música. A Casa dos Poetas foi o lugar elixido, como non podía ser doutra maneira, para inaugurar a exposición, e albergala durante os meses de decembro e xaneiro.

Xa quedan á vosa disposición na Librería Conde os fotopoemas impresos en forma de fermosas tarxetas para que fagades fantásticos agasallos de nadal, e unhas tazas preciosas que veredes nas imaxes.
Por certo, todas as imaxes que mostramos a continuación foron cedidas pola Fundación Curros Enríquez a través das súas redes sociais. Moitísimas grazas por apoiarnos!
 Lembrade que todos os beneficios da venda destes produtos serán para Basket X Libros. Longa vida a este proxecto!

A prensa xa avisara do evento con toda puntualidade! 

Fotopoema Celanova 2021: No Nadal agasalla un Fotopoema!

Temos a ledicia de falarvos sobre un dos nosos proxectos máis queridos, que está collendo vida propia moi satisfactoriamente: o noso club de lectura deportivo Basket X Libros.

Ademais dos fantásticos resultados na cancha, o club está moi activo e repleto de plans e actividades. 

Unha delas é esta fantástica exposición de fotopoemas, con fotos de Juan Bautista Vila Oural -que é a alma mater do proxecto- e poemas do escritor, profesor e máis cousas Xoán Carlos Domínguez Alberte., titulada Fotopoema Celanova 2021.

Haberá un acto de inauguración o día 4 de decembro ás 12.00 h., na Casa dos Poetas da nosa vila, onde esperamos atoparnos todos e gozar da cultura, pois haberá varias intervencións interesantes, un recital poético e música en directo.

Pero o mellor de todo é que xa non teremos que pensar para atopar o agasallo máis especial para este Nadal: nas tendas de Celanova poderás mercar os fotopoemas en impresión de calidade e achegarlle aos teus seres queridos un anaco de beleza. Así axudarás á Asociación Cultural Basket X Libros, pois todos os beneficios das ventas serán no seu favor.

Deixámosvos o folleto da exposición e os cartaces. Difundide!

Volve a nosa Hora de Ler

 Esta semana retomamos a nosa Hora de Ler. Achegámosvos, para que o teñades a man, o padlet de recursos que preparamos o curso pasado e está en permanente actualización. Que aproveite!

PD: PODCASTS DO CLUB DE LECTURA!

 Deixámosvos uns exemplos das lecturas gravadas do Club de Lectura para que vos animedes a ler A historia interminable ou Ensayo sobre la ceguera. Os libros son bos compañeiros para o verán! Felices vacacións!

Bibliopoleiro · CRIS LA HISTORIA INTERMINABLE

Bibliopoleiro · ENSAYO SOBRE LA CEGUERA

Bibliopoleiro · ENSAYO SOBRE LA CEGUERA

E por fin, o podcast de Radio Curros!!!

No clube de lectura Basket por Libros, que como sabedes temos en conxunto co alumnado do CEIP Curros Enríquez, xa fixemos dous programas de radio. Hoxe dixámosvos os podcasts e agardamos que vos gusten!

Xuntanza dos clubs de lectura en Allariz: Os documentos gráficos!

O prometido é débeda! Agardamos que vos guste!

E mañá... Xuntanza dos clubs de lectura en Allariz!!!!

Aproveitando o aniversario da rodaxe de "A lingua das bolboretas", os clubs de lectura do IES Aquis Querquernis de Bande, o IES Ferro Couselo,  Universidade Laboral e IES Blanco Amor de Ourense, o IES Carlos Casares de Viana do Bolo, o IES Cidade de Antioquía de Xinzo, o CEIP Padre Feijoo e IES Allariz de Allariz, e o CEIP Padre Crespo de Xunqueira reúnense en Allariz para realizar o roteiro da Lingua das Bolboretas e un encontro con Manuel Rivas.

Mañá ou pasado contarémosvos que tal nos foi o día, e a continuación partillámosvos estes materiais tan bonitos que temos preparados para aportar á xuntanza. Que faremos con eles? É sorpresa, xa volo contaremos tamén. Estamos seguros de que o imos pasar estupendamente!

Roteiro Lorquiano

O alumnado de 1ºBacharelato gozou dunha semana cultural por terras andaluzas: Granada e Córdoba. Ademáis de contemplar as marabillosas obras de arte que nos ofrece a cultura andalusí, houbo oportunidade de realizar o roteiro lorquiano visitando Valderrubio, Fuentevaqueros, Granada e o Barranco Viznar.

Tivemos a oportunidade de recitar os 6 Poemas Galegos de Lorca no patio da Casa-Museo de Valderrubio. Aquí vos deixamos vídeo e fotos para compartir a nosa experiencia.

O vindeiro luns temos visita!

Virán a pasar o día con nos os alumnos e alumnas (e os seus profes) do club de lectura do IES Lama das Quendas de Chantada. Teremos tempo de partillar poesía, teatro, música e amizade, e agardamos que sexa unha xornada de convivencia estupenda. É mais, téñennos preparada unha obra de teatro musical, "Nos espazos do soño", de Vázquez Pintor.
Mirade que cartel tan chulo deseñaron para a ocasión...

Dixámosvos tamén o enlace ao seu blog: A quenda do libro. Seguiremos informando!

Club de Lectura 3º e 4º ESO... máis e mellor (se é posible)!

Velaquí a nosa selección para 3º e 4º ESO... non é doado, pero a escolma quedou máis que ben... Aproveitade!!!

Club de lectura: para 1º e 2º ESO, o mellor do mellor!

Cousiña fina as propostas que vos traemos aos de 1º e 2º para ler, ver e vivir no mundo, que é o importante... Ídelo perder? Non quereredes seguir na verza? Pois logo non esperedes ao luns para botarlle un ollo!

E para os profes tamén!

Como non, alá va unha selección de lecturas para o profesorado, que inclúe tamén pelis, do máis variado e para todos os gustos... logo que non digan que non avisamos!

Máis novas do Club de Lectura: Feridos polas Letras

Aquí van, para os lectores máis entregados, os "Feridos polas Letras", unhas recomendacións...

Atentos ao blog para máis información sobre o club, ou preguntada na Biblio, que se están a cociñar cousas ben ricas!

E seguimos con novidades! Arrancamos co Club de Lectura

Xa estamos cos motores a plena marcha: arrancamos co Club de Lectura, que este ano ten novidades importantes. Informádevos na biblioteca e animádevos a participar! Aquí, no noso padlet, podedes consultar o proxecto para este curso... non ten perda!

Imaxe: loriguilla.com

E se vos presta, podedes visitar a nosa sección da biblio na web do centro, no menú lateral dereito, onde atoparedes os nosos documentos máis importantes.

Ollo ao blog, que temos máis novas... seguiremos informando!

Percorremos Ribadavia e convivimos cos amigos do Club de Lectura do IES Aquis Queruqernis de Bande

O prometido é débeda: Alá vai o padlet con materiais para que vexades o chula que foi a nosa convivencia en Ribadavia. O apartado de "documentos gráficos" irá crecendo progresivamente a medida que nos compartan fotos e vídeos...