Catálogo... de cine!!!!

Ao fío de novas achegas económicas, estamos pendentes de incorporar novas referencias ao noso catálogo de pelis. Mentres, podedes botarlle un ollo ao que xa hai... Moito e bo!

Titorías de cine!

Témosvos preparada na biblioteca unha caixa moi interesante: nela atoparedes un lote de pelis do máis variado, de xéneros diversos e formatos diferentes, dende animación ata drama, dende clásicos ata últimas estreas, por se nalgún momento titores ou profesores de garda deciden dedicar unhas sesións ao sétimo arte.

Están rigorosamente seleccionadas, pois xa sabedes que aquí só temos cousa boa, así que preparadas vos quedan para próximas sesións cinematográficas.

Consultade o taboleiro se a queredes traer pensada.

A guerra e a paz no cine

E non perdas a nosa fantástica selección de pelis: guerras do pasado e contemporáneas, a II Guerra mundial e mesmo guerras de ficción e de ciencia-ficción... En fin, como comentabamos en anteriores entradas, as grandes desgrazas inspiran a miudo grandes obras de arte...

Estás a tempo durante toda a semana de consultar o noso catálogo, elexir, vir e recoller as pelis... e pasar un finde de cine!

1310... de Cine!!!

Nada máis nin nada menos que 1310 pelis temos na biblio para que leves e goces! Aquí vos deixamos o catálogo para que o consultes do xeito máis sinxelo: ordenadiñas por orde alfabético de títulos. Feliz fin de semana e que aproveite!

Actividade escolar ou vulneración dos dereitos de autor?

Como sabedes, clausuramos a nosa anterior campaña De Cine cunha sonorización en directo da película de cine mudo “Unha vida de can”. A música, se recordades, foi interpretada polo alumnado de música de 4º da ESO e foi unha escolma de grandes sonoras que estudamos e interpretamos, a modo de actividade formativa para nós e de homenaxe aos grandes compositores de música de cine. E así tamén a demos a coñecer ao noso público, que foi o resto do alumnado.

O acto foi o 21 de decembro de 2016, e os intérpretes, como dixemos, 7 alumnos da optativa de música de 4ºESO tocando frautas e percusión e a profesora tocando o piano. Evidentemente as partituras das grandes bandas sonoras estaban adaptadas ao instrumental escolar. Foi un espectáculo moi chulo: moitos dos alumnos non viran nunca unha película de Chaplin, e menos muda!

Á volta das vacacións aproveitamos para montar o vídeo enteiro co audio gravado en directo para poder compartir a nosa “obra mestra” no noso canal youtube Biblio Poleiro e que a visen alumnos, país e resto de comunidade educativa.

Aquí ven o problema: o noso vídeo foi retirado. A banda sonora da película dunha coñecida película sobre o holocausto tivo parte da culpa: a nosa versión escolar para frautas e piano vai contra os dereitos de autor da súa BSO. Efectivamente, e como podemos ver na captura de pantalla da notificación, en dúas ocasións interpretamos un fragmento do tema principal desta banda sonora. E debémolo de facer moi ben!

Así pois, a nosa peli non se puido ver no canal. Vaia por diante que a película enteira na súa versión orixinal está a disposición de calquera usuario de youtube. A causa da retirada do vídeo e o feito de que non se poida ver en 43 países, entre eles o noso, é a denuncia por ir en contra dos dereitos de autor da banda sonora.

Escribimos á plataforma coa nosa queixa, que en resumo era unha pregunta:

Por que as grandes empresas de audiovisual se meten nestas pequeneces cando o que se fai dende un centro educativo é formar ao alumnado integralmente, e neste caso na música e o cine de calidade, preparando un potencial público con criterio que valore a cultura? De verdade as grandes multinacionais están preocupadas de que tomemos prestadas sen lucro as súas imaxes ou a súa música? Imos acabar co seu gran negocio?

Por sorte, a ver se nos dura, atopamos a maneira de difundir a nosa peli con música a través doutra plataforma... así que encantados de compartila con vós!!!

Feliz 2017!!!

Comezamos a nosa andaina neste novo ano cunha pequena mostra do acto final de campaña: unha proxección de cine mudo sonorizada con música en directo... Despedimos así a gran tempada de Cine, Retablo de Marabillas. Tras algún contratempo técnico todo saiu ben, e pasamos un bo rato tanto intérpretes como espectadores. Á espera da preparación do vídeo completo, aí vos vai un aperitivo.

A biblioteca presenta... Cinema mudo (sonorizado en directo!)

E para rematar trimestre (e campaña!) temos preparada esta sorpresa: a proxección dunha peli muda sonorizada en directo polo alumnado (e a profe) de música de 4º ESO. A peli é "Unha vida de can", nada máis e nada menos que do grande Charlie Chaplin, e do ano 1918.

Na musicalización da película faremos unha homenaxe a outras músicas de cine coñecidas por todos (ou non?), facendo os diferentes leitmotives, como Memorias de África (John Barry), Amelie (Yann Tiersen), Supermán (John Williams), Romeo e Xulieta (Nino Rota), O bo, o feo e o malo (Ennio Morricone), A ponte sobre o río Kwai (Malcom Arnold) e un longo etcétera, xunto con outra música axeitada para a sonorización de películas (Ragtimes, Boogies, ou o archicoñecido Can Can de Offenbach).

Será no salón de actos ás 13.30 o día 21 de decembro, para despedir o ano e o trimestre. Agardamos que vos guste!!!

Textos... de cine!!!

Ver cine, saber como xurdiron esas frases das  películas que todos repetimos,  ser creativos  e producir minirrelatos que as integren…Finalmente, vender o produto cun tráiler que nos anima a ler o texto enteiro.

Sobran as palabras, que aproveite!!!

Podedes botarlle unha ollada ás frases orixinais, e ao "como se fixo" nesta entrada do curso pasado.

Máis sobre cine: Fases dunha produción cinematográfica...

O noso catálogo De Cine, actualizado!

Padlets ... de Cine!!!

Velaquí un par taboleiros padlet do proxecto arredor do Cine no que estamos a traballar. Estas dúas son actividades rematadas, pero temos máis en marcha que vos gustarán. Alá van o padlet do proxecto Moda de Película (Debuxo Artístico 1) e o de Méliès e Familia (Linguaxe e Práctica Musical).

O equipo de biblioteca nas VII Xornadas de Bibliotecas Escolares de Galicia.

Un ano máis o noso equipo da biblio asistirá a estas xornadas formativas que xa van pola súa VII edición, e un ano máis, aportando o seu granciño de area, desta vez contando a súa experiencia na mesa que terá lugar o día 18 de novembro ás 19.00h.: Biblioteca escolar, territorio das artes. Artes visuais. Falaremos sobre o noso proxecto sobre cine, que iniciamos o curso pasado e, como sabedes, todavía está en pleno desenvolvemento.

Aquí vai o programa, para que vexades o ben que se vai aproveitar o día e medio que duran as xornadas.

Méliès e familia... seguimos traballando!

Xa tiñamos moitísimas ganas de irvos amosando os resultados do noso proxecto de final do curso pasado, que bautizamos co título de  Méliès e familia e vos explicamos aquí... O problema da tardanza é que é laborioso e lento o tema de ir subindo as curtas ao noso canal de Youtube (e máis se a conexión non responde ben...!)

Hoxe estamos de noraboa porque finalmente xa están case todos, así que imos pola segunda entrega, despois do apertivo que subimos en xuño... alá vai unha escolma de obriñas mestras do sétimo arte nos seus inicios.

E para festexar o fin de curso... La Ola

Hoxe o Exército de Dumbledore reuniuse para despedirse e ver La Ola, que foi un dos libros que leron durante o curso... Despóis irán todos de celebración, porque as vacacións hai que celebralas, e moito... Feliz verán e feliz lectura!!!

E para un verán De Cine, velaquí as 20 maletas coas mellores pelis para disfrutar das vacacións!

Proxecto Departamento de Música + Biblioteca = Méliès e familia

Imaxe procedente de: http://mindies.es/pelicula/melies/

“As películas teñen o poder de capturar os soños”. G. Mèliés

O Departamento de Música tamén quere ser De Cine colaborando na actual campaña da Biblio.

No proxecto Méliès e familia para 1º de bacharelato da materia Linguaxe e Práctica Musical  combinamos habilidades en tecnoloxías audiovisuais con dous importantes bloques da nosa asignatura: composición musical e tratamento de editores de partitura e audio. 

Así pois, tras unha selección de pequenas xoias cinematográficas da primeira década do século XX, dos cineastas G. Mèliés, Segundo de Chomón e Ferdinand Zecca, cada alumno está a realizar a composición da banda sonora correspondente.

Estamos a utilizar o editor de partituras Musescore e o editor de audio Audacity, e preparando o vídeo coa súa película correspondente mediante Windows Movie Maker ou software similar, para ter así unha colección de pequenos clásicos do cine mudo sonorizados por nós a disposición de todos na biblioteca, que figurarán no apartado de produción propia en canto os traballos estean rematados.

Alá vai un aperitivo!

Comedia a 12 cordas: Filosolfando na nosa Biblio!

De novo imos contar cunha produción de alto nivel na nosa biblio: Filosolfando. Luís Iglesia e Xabier Deive, que nos trouxeron en xaneiro de 2014 o seu espectáculo Sede de Mal, vistítannos para ofrecernos, en palabras da compañía, Boneca Lareta...

"un espectáculo que é a continuación natural, talvez a evolución necesaria, da anterior montaxe da produtora: Sede de Mal. Nesta ocasión, os dous intérpretes soben ao escenario para reflexionar sobre unha cuestión simple, sinxela, do máis mundana, un asunto que é tan vulgar que lle acontece a calquera, mesmo a un ninguén: A existencia! Esa é a cuestión e non o outra. 

A filosofía proclama iso de que un ser humano “pensa, logo existe.” Pero... de verdade facemos unha cousa antes ca outra? Deive e Iglesia comezan nese punto a interpretar a partitura da obra, escrita e dirixida polo actor, autor e director teatral Avelino González. 

Se en Sede de Mal Boneca Lareta nos propuña unha comedia a doce cordas sobre o lado escuro da vida, agora as cordas soan ao redor do lado menos sensato desa mesma vida de claroscuros"

Vémonos o xoves día 16 ás 12.30 na biblio...

Alá vai o aperitivo:

Frases... de cine!!!

Mirade que actividade tan bonita: estivemos xogando con frases das pelis máis coñecidas,  o iso pensabamos nós. O alumnado de primeiro de bacharelato  foi o encargado de identificalas, mais algúns non foron quen de dar coa súa peli de procedencia, así que iniciaron unha investigación na que ademais de dar co filme aportaron datos como a súa data de estrea, ambientación, etc.

Para rematar a xogada tiveron que facer un texto narrativo con todas cantas frases célebres cinematográficas puideran incluír, tratando, claro está, de non perder demasiado o fío.

Mentres, en plástica, abordaron o tema da moda tomando como inspiración todas estas película... Aínda están facendo os seus deseños… pero a cousa vai moi ben! Os de música, pola súa parte, tamén están argallando algo. Sonorizarán curtas da primeira década do século XX...

Deixámosvos as frases célebres, e tamén as pistas para atopar estas estupendas películas na biblio.

Novidades de Cine!!!!

Mirade cantas pelis novas! Este taboleiro pinterest non ten desperdicio! Bótalle unha ollada e xa podes vir á biblio e collelas prestadas. Cine do bo, de antes e de agora, de animación, histórico, de terror, de amor ou de humor... Hai para tódolos gustos.

Sigue el tablero Novidades de Cine Marzo 2016 de Biblioteca en Pinterest.

Oficios... de Cine!!!

E velaquí, en forma de catálogo, a exposición da que xa podedes disfrutar nas mesas da biblio... e tamén aprender un pouco máis sobre todo o mundo do sétimo arte... é máis complexo do que parece!

O cine en 20 caixas

Como seguimos "De Cine", aquí vos vai a nosa selección de películas "imprescindibles", ou para facer o chiste, "imperdibles", que tendes no expositor da biblio colocadiñas nas súas respectivas caixas. Bo proveito!