Novena entrega: rematamos as nosas utopías!

 Pechamos os nosos capítulos utópicos coa utopía condutista de Skinner. O condutismo baséase no comportamento condicionado, observando as condutas para podelas predicir. na utopía de Skinner, isto serviría para paliar as desigualdades, e todo o mundo primaría o ocio sobre o traballo e vivirían felices en comunidades autoxestionadas que resolverían os seus problemas mediante a ciencia.

Entra na presentación para saber máis, e pica aquí para ver todas as 9 entregas utópicas... E non esquezas que as utopías poden converterse en distopías: coidemos a terra, coidemos a nosa mente con boa filosofía, arte e creatividade, coidemos o noso corpo alimentándonos ben e tendo hábitos saudables... Bo proveito!

Oitava entrega das nosas Utopías: William Norris e Nowhere

 Utopía socialista, Nowhere é unha sociedade sen propiedade privada nin grandes urbes: as desigualdades de clase non existen alí. 

A diferenza doutras utopías deste corte, nas que o traballo era un mal necesario, en Nowhere as persoas realizan con gusto as súas actividades, pois o traballo é dignificador e creativo.

Entra na presentación para saber máis cousas sobre William Norris e a súa utopía! E visita as outras entregas utópicas aquí.

Sétima entrega do noso Especial Utopías: Walden de Thoreau

Hoxe traémosvos a utopía Walden, socialista e de ficción futurista, que atopa o ben da humanidade no retorno á natureza e unha vida limpa de vicios e malos costumes para acadar a perfección espiritual. 

Botádelle unha ollada á presentación para saber máis, e picade aquí para ver o resto do noso Especial Utopías.

Especial Utopías, sexta entrega: de Rabelais a Crowley

 Utopías do "fai o que desexes": as túas necesidades están cubertas, non tes de que preocuparte.

Achégate ás utopías máis epicúreas na nosa sexta entrega: un dos seus protagonistas, Crowley, é aínda hoxe elemento inspirador para músicos ou interesados nas artes ocultas...

Podes consultar aquí o resto das entregas do noso Especial Utopías.

Utopías na biblio!

 O material sobre Utopias xa o podedes visitar na exposición das mesas da biblio. Nos vindeiros días continuaremos partillando o noso Utopías por entregas. 

Pica no collage e entra no álbum. 

Especial utopías, cuarta entrega: A Nova Atlántida de Bacon

 Nesta utopía, os mellores cidadáns son educados nunha escola coa metodoloxía científica que o propio Bacon definiu, para dominar a natureza e mellorar a sociedade, logrando así a felicidade.

Achégate a Bensalem, e pica aquí para descubrir o resto das utopías do noso Especial.

Especial Utopías, terceira entrega: A cidade do sol, de Campanella

 Aprende máis sobre esta cidade utópica na que Hoh, o metafísico, axudado por Pin, Sin e Mor (Potencia, Sabedoría e Amor), son os que gobernan aos "solares", que actúan conforme aos principios da razón, comparten bens e traballan a prol de todos.

A educación de homes e mulleres é igual... pero a mellora xenética e o control reprodutivo discrimina a unhas en favor dos outros... Le o documento e sorpréndete coa organización desta cidade utópica.

Especial Utopías, segunda entrega: a Utopía de Tomás Moro

 Continuamos imaxinando mundos mellores, desta vez con Tomás Moro. Que vos parece?

Non vos perdades as nosas Utopías por entregas que continuarán nos vindeiros días.

Estrea mundial: Capítulos Utópicos en 9 entregas!

 Estamos que non paramos! Hoxe toca estrear este novo material que non vos deixará indiferentes: tras as distopías (consulta o noso Especial Distopías aquí), damos paso ás utopías, que vos achegaremos en nove entregas.

Segundo o diccionario da Real Academia Galega, utopía é un "modelo imaxinario de organización social ideal, moi afastado das condiciones reais" ou tamén "idea, proxecto etc., que se considera moi bo pero irrealizable". Pero... non son as ideas utópicas as que nos fan mellorar?

Nas nosas nove entregas, percorreremos utopías de diversos autores ao longo da historia, e hoxe comezamos polos clásicos: A República, de Platón.

Agardamos que sexa do voso interese!