E para os profes tamén!

Como non, alá va unha selección de lecturas para o profesorado, que inclúe tamén pelis, do máis variado e para todos os gustos... logo que non digan que non avisamos!

Maalouf de novo: libretista de ópera

Sen vos querer saturar con Maalouf, querémosvos achegar esta rareza que acabamos de adquirir: un libreto de ópera titulado Adriana Mater, que, por suposto, podedes levar en préstamo e ler como se se tratara de calquera obra teatral. O encargado de compoñer a ópera foi Kaija Saariaho, e estrenouse o 30 de marzo de 2006 na Bastilla, con escenografía de Peter Sellars e dirección musical de Esa-Pekka Salonen e o seguinte reparto: Patricia Bardon como Adriana, Solveig Kringelborn como Refka, Stephen Milling como Tsargo e Gordon Geitz como Yonas. Como obra de arte total que é a ópera, coidaron a escenografía George Tsypin como encargado de decorado, Martin Pakledinaz do vestiario e James F. Ingalls como iluminador. E todo elo sazonado pola maxistral orquestra e coro da Ópera Nacional de París.

Deixámosvos uns vídeos con fragmentos e o "como se fixo", e recomendámosvos vir e coller o libro, que xa está listo para levar en préstamo.

Amin Maalouf na Biblio

E como proposta para o noso Club Senior, aquí vai unha selección de libros do gran Amin Maalouf. Un exemplo de como levar o entendemento entre as culturas á mellor creación literaria. A viaxe de Baldassare, Samarcanda, Orígenes, León el Africano, espéranvos na biblio. Non vos defraudarán!

Despega o noso novo club de lectura...

Xa comezaron as reunións do noso novo club de lectura... todavía non ten nome, pero todo se andará... Si que ten compoñentes: un grupo duns dez profes e outro personal do centro que compartirán a súa afición á lectura e un tempo de lecer de calidade.

As lecturas escollidas para comezar foron as novelas da saga do comisario Montalbano, de Andrea Camilleri... Coa mafia como telón de fondo, son unha saga policial de primeira categoría que nos leva a Sicilia a resolver crimes sen pasar por alto nin a máis mínima pista.

Podedes entrar noso padlet "Historias con Montalbano" no que estamo a cotío achegando recursos e enlaces, por se queredes ampliar información. Tamén achegamos unha lista dos diferentes títulos da saga que temos na biblio. Bo proveito!