Como buscar na biblioteca: guía para o alumnado.

 Agora que a situación sanitaria permitiu cambiar o protocolo e que sexan os usuarios e usuarias os que manipulen os libros, cómpre repasar o proceso para a atopar o tesouro que precisemos. Aquí vos deixamos unha sinxela guía. Picade na imaxe para acceder ao documento. 

Novo protocolo COVID na biblio.

 Atentos e atentas ás novidades no protocolo que nos trae este curso 20-21. Volvemos á normalidade nalgunhas cousas, pero sen baixar a garda. Agardámosvos!

Un curso cheo de novidades...

Aínda que, pola COVID, as actividades de biblioteca vanse ver afectadas, lembrade que podedes atopar toda a información de primeira man na sección deste mesmo blog chamada OS PAPEIS DO POLEIRO. 

E tamén podedes consultar o Plan Lector e o Plan Anual de Lectura, que están AQUÍ, á espera das modificacións que cada departamento propoña neste curso. 

Podedes vir a coller libros nos recreos, e tamén os martes e mércores de 4 a 5.

E tamén podedes darlle un repasiño ás nosas novas normas de funcionamento AQUÍ.

Se queredes aprender a buscar libros na nosa biblio, AQUÍ explicámosvos como facelo.

E para todo o demáis, podes pedirnos axuda presencialmente ou no noso email: bibliotecapoleiro@gmail.com 

Adiante e ánimo co curso!

Foto: Toni Álvarez

Visita virtual á nosa biblioteca!

Como a visita turística á nosa biblio non vai poder ser nestes tempos pandémicos, deixámosvos este enlace e un código QR co que podedes contemplala con moita calidade. Atoparedes este cartel na porta, no que vos recordamos que o horario de apertura extraescolar é exclusivamente para préstamos e devolucións.

Xa virán mellores tempos para visitala de xeito presencial. Seguiremos informando!

Benvida ao curso 20-21

Comezamos o curso 20-21 con toda a organización que nos é posible. Á espera de que algo poida cambiar e no marco das instrucións da Asesoría de Bibliotecas Escolares, deixámosvos as novas normas de funcionamento da biblio. 

Biblio para as titorías

Hoxe achegamos outro documento que podedes atopar tamén na sección "Os nosos plans", no taboleiro Padlet "Os papeis do Poleiro", na sección CDU e formación de usuarios. Xa sabedes que para nós é moi importante que coñezades o noso funcionamento, por iso de vez en cando partillamos estes documentos de funcionamento interno.

Consiste nun "modo de emprego" da biblio que o titor explicaría ao seu alumnado nunha sesión de titoría, sobre todo para os novos no centro, pero que non vén mal para que sexa revisado por todos cada ano. Inclúe, por exemplo. información de como buscar, uso dos ordenadores, horarios, préstamos...

Picade na imaxe para ver o documento completo.

Máis sobre formación de usuarios: Como buscar na biblioteca

Continuamos co proceso de revisión e actualización de documentos, que como sabedes reunimos no taboleiro padlet Os papeis do poleiro.

Hoxe facemos fincapé nos relativos á formación de usuarios: Como buscar na biblioteca, unha guía para o alumnado na que explicamos cuestións como a signatura, a CDU ou a sinalización mediante pegatinas. Tamén achegamos o plano actualizado, e xa estades listos para atopar o que precisedes.

É ben interesante, non deixedes de botarlle unha ollada. Picade na imaxe para acceder ao documento completo.

Wanted I: Premios á Innovacion Educativa Escola Viva: "A tenda da esquina"

Como non vale parar, decidimos presentar algúns dos nosos proxectos aos Premios á Innovación Educativa Escola Viva, convocados por Fete UGT.

Nin un, nin dous, nin tres, CATRO proxectos presentamos!!! Pensamos que todos son fabulosos e non queriamos deixar ningún fora.

Cando preparamos o material para presentalos, revisamos o acadado, os logros e lagoas, e é unha boa maneira de mellorar no sucesivo. Así que non importa gañar (que, non vos imos enganar, nos encanta!) porque a participación en si mesma xa é positiva e ten valor de seu.

Aí vos deixamos o primeiro deles, "A TENDA DA ESQUINA". Pica na imaxe para ver a memoria presentada.

E tamén o padlet de materiais.

Como clasificamos os libros?

Actualizado e revisado, hoxe partillamos este documento da biblio tan interesante que axudará aos usuarios e usuarias a atopar o que precise nas nosas máis de 27.000 referencias...

Tamén o podedes atopar na sección Os nosos plans deste blog, onde temos, entre outros documentos de interese, o gran taboleiro Padlet Os papeis doPoleiro. Alí conviven memorias, proxectos e outras formas de literatura gris da nosa biblio, para que todos coñezades de primeira man como funcionamos!

O dito: deixámosvos con... Como clasificamos os libros?

Rematando o curso: Memoria PLAMBE

Xa estamos albiscando o final do curso... dentro dunha semaniña estaremos comezando o verán, e as vacacións.
Aquí vos vai a memoria deste 17-18, como retrospectiva de todo o feito e por facer... Pero isto non remata aquí, pois xa estamos preparando as novas liñas de actuación para o ano que ven, e todavía quedan os últimos coletazos do curso dos que vos seguiremos informando.

Con todos vós, a nosa memoria PLAMBE!

Proxecto lector e outras herbas...

Para os que vos fagades un lío co tema dos proxectos lectores, plans de lectura e outros conceptos liosos para quen non está familiarizado con eles, alá vai esta presentación que aclara conceptos e tamén describe o noso xeito de traballar... que, non é por nada, pero pensamos que é ben xeitoso!

Memoria 16-17 lista!

Xa sabemos que aínda faltan uns días, e que durante eses días imos facer aínda unha morea de cousas pero... a burocracia é así e xa está lista a nosa memoria 2016-2017... cantas cousas fixemos!

Podédela ver no noso padlet "Os papeis do poleiro", ao que podedes acceder tamén habitualmente dende a pestana "Os nosos plans" para que nada do que aquí ocorre escape á vosa mirada.

Plan de lectura actualizado.

Velaquí o taboleiro no que temos colgados os Plans de lectura de cada departamento.
Podedes acceder tamén desde a páxina web do centro e comprobar as últimas actualizacións.