Amosando publicacións coa etiqueta Musealización. Amosar todas as publicacións
Amosando publicacións coa etiqueta Musealización. Amosar todas as publicacións

luns, 8 de maio de 2023

xoves, 16 de febreiro de 2023

Baldomero Moreiras en Radio Clásica, e Carmen de Burgos na nosa Sala Gótica

 Partillamos este podcast da sensacional entrevista que o programa Longitud de Onda de Radio Clásica fixo o día 9 ao artista gráfico Baldomero Moreiras, da nosa vila, artista fantástico e home "bo e xeneroso", que nos colabora en todo.

Pica na imaxe da portada do catálogo da exposición "O Eco das Amazonas" para escoitar o podcast!!!!


Neste enlace podes ver a lista de fondos relativos a Baldomero Moreiras, algúns doados por el mesmo, que temos na biblioteca. Tamén é obra súa o cartaz do acto de homenaxe aos fusilados da guerra civil en Celanova, que como vos informamos fai uns días, xa está instalado. 

EDITAMOS...! Hoxe mesmo, no acto que vos anunciamos onte, "Memoria histórica e dereitos humanos", realizouse a entrega oficial do cartaz ao noso centro, así como da placa das Escolas da República, que a familia do propio artista, a través do Comité de Memoria Histórica Terras de Celanova, cedeu para que sexa custodiada no IES.

Ademais temos o gran placer de amosarvos outra fermosísima doazón que fixo ao noso centro: unha das obras da colección da que fala na entrevista, O Eco das Amazonas, en concreto a de Carmen de Burgos, moi axeitada para estar pendurada dos nosos muros. Estamos moi agradecidos!






mércores, 1 de febreiro de 2023

Máis Memoria!

Xa está pendurado dun dos nosos muros o cartaz do acto de homenaxe aos fusilados soterrados no cemiterio de Celanova, na fosa que se estivo investigando nos últimos meses. Ver aquí toda a información.

A homenaxe tivo lugar en setembro de 2021, e o fermoso cartaz, obra de Baldomero Moreiras, foinos cedido para a súa custodia polo Comité de Memoria Histórica da Comarca de Celanova. 




venres, 20 de xaneiro de 2023

Xa podedes vir á Sala Gótica!!!

 Xa está aberto ao público o noso novo espazo, a Sala Gótica, á que chamamos así polo fermosísimo arco que a preside.

Aloxa pelis, hemeroteca, banda deseñada e libro ilustrado, ademáis da exposición "A escola de antonte", e como vos comentamos fai un par de días, a placa das Escolas da República cedida por Baldomero Moreiras e o Comité de Memoria Histórica Comarca de Celanova.  Accederemos pola súa propia porta, como vedes nas imaxes, no alto da escaleira de madeira, e xa podedes vir nos recreos e no horario de apertura extraescolar (martes, mércores e xoves de 15.30 a 17.10).

Aquí podedes ver o álbum de fotos da súa evolución, logo de todas as intervencións que levamos feito nos últimos meses. Neste álbum aparecen tamén os outros espazos que temos ido habilitando para facelos máis acolledores e eficientes para coas nosas necesidades.

Aquí podedes ver outras entradas desta bitácora relacionadas coa ampliación da biblio:

O noso novo piano.

As ampliacións, na prensa: "O Poleiro extiende sus alas".

Resumo das intervencións.


Agardamos que utilicedes e gocedes deste emprazamento senlleiro do que temos a sorte de dispoñer!









mércores, 18 de xaneiro de 2023

A placa orixinal restaurada das Escolas da República xa está con nós.

O Comité de Memoria Histórica Comarca de Celanova achegouse ao IES o 30 de setembro para darnos unha fermosa noticia:  a placa orixinal restaurada das Escolas da República, pertencente á familia de Baldomero Moreiras, ía estar custodiada aquí para que puidera estar exposta e fora visitable para a veciñanza. E como o prometido é débeda, xa está con nós.

Aquí podedes ver o texto completo no que o colectivo, a través da súa web, anunciaba esta (e outras) cesións das que xa vos informaremos, e polas que nos sentimos moi obrigados.

Polo momento, aquí vos deixamos unhas imaxes do emprazamento da placa, no novo espazo da biblioteca.