Inesquecible concerto de Álvaro Sieira.

Aquí vos queda o testemuño audiovisual do concerto de onte. Unha fermosura de obras, sensacións, atmosferas e toda a sensibilidade do mundo que Álvaro nos trasladou dende as teclas do piano.

O acto comezou cunha breve presentación do programa a cargo do alumnado de oratoria de 3ºESO para comprender un pouco mellor o que iamos escoitar. 

Aquí vos deixamos as notas ao programa. , que foi esta marabilla:

PROGRAMA

Johannes Brahms

Seis piezas para piano, Op. 118

Intermezzo en la menor

Intermezzo en la mayor

Balada en sol menor

Intermezzo en fa menor

Romanza en fa mayor

Intermezzo en mi bemol menor

Isaac Albéniz

Suite Iberia

El Corpus Christi en Sevilla

Almería

Enrique Granados

Goyescas

Quejas, o la maja y el ruiseñor

Millóns de grazas, Álvaro! Na Semana das Letras, atopamos en ti un "bo e xeneroso" que nos deixou abraiados co seu bo facer.

Hoxe!!!! Non o perdades: Concerto na Biblio. Álvaro Sieira ao piano

 

PROGRAMA

Johannes Brahms

Seis piezas para piano, Op. 118

Intermezzo en la menor
Intermezzo en la mayor
Balada en sol menor
Intermezzo en fa menor
Romanza en fa mayor
Intermezzo en mi bemol menor


Isaac Albéniz
Suite Iberia

El Corpus Christi en Sevilla
Almería

Isaac Albéniz
Chants d’Espagne, Op. 232
Córdoba


Enrique Granados
Goyescas

Quejas, o la maja y el ruiseñor


Deixámosvos tamén aquí as notas ao programa, que presentará o alumnado de oratoria de 3ºESO.

Vinde gozar da música!

Aquí estamos nós! A ferida aberta no 36: A represión no ensino.

 Un formidable podcast, para escoitar con tranquilidade, no que temos o privilexio de participar falando do noso Centro de Interpretación Virtual da Memoria Histórica.

Hoxe, Festa das Letras!

 

Feliz Semana das Letras! Feliz Día dos Museos: Presentamos Peza do Mes de maio!

 Hoxe, aínda co Raigame no corpo, iniciamos as actividades da Semana das Letras, que como sempre dicimos, son todas as semanas do ano.

Aproveitamos que hoxe é o Día dos Museos para anunciarvos que xa está na nosa vitrina do corredor a Peza do Mes de maio, un modelo de gravadora moi de moda nos 80 e 90 que moi ben puido utilizar a homenaxeada Begoña Caamaño na súa faceta periodística. Velaquí o material informativo.

Homenaxe a Don Ramón

 Neste ano Oteriano non quixemos deixar de organizar a nosa particular homenaxe: inserto nas actividades do Seminario Intercentros de profes de música organizamos este recital colaborativo semi-improvisado.

A poesía pódese partillar, gozar e mesmo berrar!

Aquí van as dúas versións do noso produto, unha cun plano máis "democrático" e outro no que o alumnado do IES está máis enfocado. Que ben o pasamos!

Seminario Intercentros de Biblio Poleiro

Ao Xamón per tutti de Biblio Poleiro

Atención! Na Semana das Letras, volve a música á biblio: Álvaro Sieira, Piano

 Porque na nosa terra hai moito talento, aquí vos traemos unha mostra: un pianista novo que xa demostrou polo mundo adiante a súa valía, ofrecendo concertos por toda a península, San Marino, Bolonia ou Londres.

É un luxo ter a Álvaro Sieira (Boiro, 1993) na nosa biblio, facendo soar no piano a Brahms, Granados e Albéniz. Apuntade na axenda! Día 21 de maio ás 18.45. E tamén podedes botarlle un ollo a esta entrevista tan interesante.