Encantadas de rebotar esta boa nova: Alexandre segue a colleitar éxitos, e trala presentación do seu último traballo, O Segredo do Trasno, volve a aparecer nos medios cun novo recoñecemento, o premio Xuventude Crea.
Parabéns, Xandre! Dende aquí desexamos que continúes facendo o que máis che guste, e sendo así de polifacético, creativo e xenial.
Premede na imaxe para ver o artigo completo!
En xaneiro presentamos nova peza do mes: un rolo de pianola! Sirve para accionar un instrumento mecánico chamado así, pianola, e fai que soe a música correspondente sen necesidade de pianista.
Aquí, no material que preparamos, explícavolo todo moi ben, e relaciona este tema cos medios de codificación e reprodución da música: dende as partituras ás plataformas de descarga. Achegádevos a ver a nosa vitrina ao corredor da biblio!
Presentámosvos este proxecto dentro da campaña O Fogar das Musas que o alumnado de reforzo de 2ºESO B realizou durante parte do primeiro trimestre.
Trátase dun "trailer" que axuda ás persoas que estamos aquí a cotío a valorar e coñecer máis o noso, e a potenciais visitantes a que se animen a visitarnos... razóns non faltan!!! En galego e castelán!
Que aproveite:
Comezamos 2025 con renovadas enerxías repasando as novas relevantes do primeiro trimestre.
Preme na imaxe e accede ao Boletín de Información ás Familias.
Onte aparecía na prensa a nova do Premio Mouchiño que recollemos o domingo. Premede na imaxe para ver o artigo completo. Aínda nos dura o subidón!
Onte foi un día moi especial. Xa volo podemos contar: A Asociación BxL, Basket por Libros de Celanova recoñeceu a laboura da nosa biblio e da biblio do cole de primaria da vila, o Curros, co premio Mouchiño da Cultura.
Así que asistimos á gala de entrega de premios, no Auditorio Ilduara da nosa vila, moi ben preparada con todo o agarimo e bo facer, e atopámonos con veciñanza, cativada, autoridades e demais: é ben fermoso reunirnos arredor da cultura, do deporte, da poesía, da música...
O premio ao deporte foille concedido ao gran Moncho Fernández, que foi entrenador do Obradoiro, todo un referente no mundo do baloncesto.
Deixámosvos unhas imaxes e un vídeo. Teremos sempre o recordo deste día e o noso agradecemento: si que se pode ser profeta na propia terra. Grazas por todo!
Premede na imaxe e contemplade os traballos finais deste proxecto de Debuxo Artístico I que vos levamos explicando estes días!
