Xa está dando froitos este proxecto da aula de debuxo artístico, As versións das Musas, dentro da nosa campaña en curso, O Fogar das Musas. Entre musas anda o xogo. Adiviñades os referentes pictóricos reinterpretados polo alumnado?
Biblio Poleiro
Biblioteca IES Celanova Celso Emilio Ferreiro
mércores, 24 de abril de 2024
martes, 23 de abril de 2024
Feliz Día do Libro 2024!
Si, todos os días o son, pero neste Día visibilizamos o noso amor pola lectura e polos (cecáis) mellores compañeiros de vida: os libros.
Os diversos departamentos están a facer actividades. Aquí, na biblio, puxemos unhas caixiñas temáticas para ofertar seleccións literarias sobre aventuras, terror, xénero negro, amor ou a nosa xa tradicional "Cita a cegas" ou Libro Tinder... E unha dedicada ao Quixote nos seus diversos formatos (orixinal, banda deseñada, musical...)
Tamén expuxemos algunha creación literaria do noso alumnado, que supervisado polo profesorado correspondente, vaise animando na escritura.
O dito: Feliz día e boa lectura.
venres, 19 de abril de 2024
Visita de alumnado bretón e recital colaborativo de poesía
Hoxe na biblio acollemos a un grupo de alumnado bretón da optativa de castelán que, ademais de visitar o centro, participou nun recital poético moi especial.
A actividade consistiu en dividir en pequenos trociños tres poemas de Celso Emilio Ferreiro. Tiveron, xunto co noso alumnado de 3ºESO B compoñer de novo os poemas e recitalos en grupo, cada un o seu trociño (coa axuda de que estaban numerados e o texto estaba en cores diferentes para cada poema).
O alumnado local e visitante colaborou e axudouse, e os visitantes amosaron unha grande afouteza e un fantástico oficio lendo en galego! O piano da biblioteca acompañou o recital, que foi aberto pola profe Teresa Devesa recitando magníficamente Longa noite de Pedra.
Deixámosvos os tres poemas de Celso Emilio recitados colaborativamente e o album de fotos con algún vídeo. Repetiremos!
ESPERANZA
Erguerémola
espranza
sobre ista
terra escura,
coma quen
ergue un facho
nunha noite
sin lúa.
Marcharemos
cinguidos
polos duros
segredos
dunha
patria soñada
á que non
voltaremos.
Non sabrán
o camiño
que pra
entón colleremos.
Longos ríos
de brétema,
longos
mares de tempo.
Tripulantes
insomnes
na libertá
creemos.
Viva, viva,
decimos
aos que
están no desterro
e soñan cun
abrente
de
bandeiras ao vento.
Adictos da
saudade, que levades a luz polos vieiros.
¡Saúde a
todos, compañeiros!
Celso
Emilio Ferreiro
“Longa noite de pedra”
OS RATOS
Un rato é
unha cousa que se move,
unha cousa
que vive nos sobrados
e ten un
corazón pequerrechiño
e dous
ollos de vidro sempre acesos.
Unha cousa
que vai furando as tebras,
xurde
correndo, pasa, fuxe, líscase.
Un rato é
unha cousa que está viva
un intre
só, dempóis xa non é nada,
sombra nas
sombras mestas dos buratos.
A noite é
un burato sin orelas
pra os
homes, tristes ratos sin acougo.
Un home é
unha cousa que cavila,
cismando
sempre, sempre amargurado,
fuxindo de
outras cousas que rebulen,
revolvendo papeis,
decote
rebulindo,
sempre con
presas, atafegado sempre.
camiña,
chouta, avanta nos buratos,
nos
sobrados do mundo,
nas
estradas da vida,
nas pedras,
no vento,
nas rúas,
nos seos
das mulleres.
Un rato é
unha cousa que se move.
Escóitame
Walt Disney, ¿ónde estabas
que os meus
soños de pombas non te viron
cando o meu
corazón inda era neno
e había
carabeles nos meus ollos?
Celso Emilio Ferreiro en O soño sulagado
POEMA NUCLEAR
¡Qué ben, que a bomba ven co seu rebombio!
A bomba, ¡bong!, a bomba, bon amigo,
A bomba con aramios, con formigas,
con fornos pra asar meniños loiros.
A bomba ten lombrices, bombardinos,
vermes de luz, bombillas fluorescentes,
peixes de chumbo, vómitos, anémonas,
estrelas de plutonio plutocrático,
esterco de cobalto hidroxenado,
martelos, ferraduras, matarratos.
A bomba, bong. A bomba, bon amigo.
Con átomos que estoupan en cadeia
e creban as cadeias que nos atan:
Os outos edificios.
Os outos funcionarios.
Os outos fiñanceiros.
Os outos ideais.
¡Todo será borralla radioaitiva!
As estúpidas nais que pairen fillos
polvo serán, mais polvo namorado.
Os estúpidos pais, as prostitutas,
as grandes damas da beneficencia,
magnates e mangantes, grandes cruces,
altezas, escelencias, eminencias,
cabaleiros cubertos, descubertos,
nada serán meu ben, si a bomba ven,
nada o amor, e nada a morte morta
con bendiciós e plenas indulxencias.
¡Qué ben, que a bomba ven! Nun instantiño
amable primavera faise cinza
de vagos isótopos placentarios,
de letales surrisas derretidas
baixo un arco de átomos triunfaes.
A bomba, ¡bong! a bomba co seu bombo
de setas e volutas abombadas,
axiña ven, vela aí ven, bon amigo.
¡Estános ben! ¡Está ben! ¡Está bon!
¡¡¡Booong!!!
Celso Emilio Ferreiro en O soño sulagado
xoves, 18 de abril de 2024
Día Internacional dos Monumentos e Sitios
Hoxe, 18 de abril, é o día Internacional dos Monumentos e Sitios.
Na web do Ministerio de Cultura di que "El Día Internacional de los Monumentos y Sitios fue propuesto por el Consejo Internacional de Monumentos y Sitios (ICOMOS) el 18 de abril de 1982 y aprobado por la Asamblea General de la UNESCO en 1983. El fin es promover la toma de conciencia acerca de la diversidad del patrimonio cultural de la humanidad, de su vulnerabilidad y de los esfuerzos que se requieren para su protección y conservación."
martes, 16 de abril de 2024
Pintar nas paredes: da caverna á cidade
Poden ser as paredes un museo? Non sempre, pero claramente ás veces teñen moito que ofrecer.
Dende a antigüidade á máis rabiosa actualidade, das pinturas rupestres aos actuais graffitis urbanos, entra na presentación e fai unha viaxe no tempo a través das paredes.
venres, 12 de abril de 2024
O noso museo, vento en popa! Xa se pode visitar o noso inventario virtual!!!!
Encantadas estamos de compartir con vós a nosa lista KOHA que é un inventario virtual das nosas pezas museísticas, e que se vai ampliando cada día.
Polo momento, atoparemos pezas curiosas de fotografía, audio, memoria histórica... Pica na imaxe para acceder a ela! Tamén podes acceder dende o noso catálogo online, no apartado "Listas", premendo en "MUSEO IES CELANOVA".
martes, 9 de abril de 2024
Árbores de dous continentes: Darwin, o Beagle e a botánica
Queres saber máis sobre Darwin e as súas expedicións científicas? Sobre as súas viaxes? Sobre os seus descobrementos botánicos? Sobre os seus libros? Aquí están as respostas!
O proxecto "Árbores de dous continentes" continúa fabricando materiais así de interesantes!
Preme na imaxe para acceder ao documento.