sábado, 18 de maio de 2024

Hoxe é... O Día dos Museos!

 E este ano para nós é especialmente importante, xa que, como sabedes, a nosa campaña/proxecto de musealización tennos moi ilusionadas e entretidas.

O Fogar das MusasO Fogar das Musas continuará durante o curso que vén, pois é unha andaina longa e sen dúbida para facer sen presa. Dende que comezamos, enfocamos as nosas expectativas, aprendemos sobre o que implican os traballos de inventario, documentación, conservación e museografía e puxemos en valor pertenzas que xa están expostas nos nosos andeis.

Pescudamos información sobre espazos visitables da contorna (e de máis lonxe), activamos ao alumnado para que poña en valor o seu patrimonio, ofrecémonos como espazo visitable para que as institucións da vila o incorporen aos seus activos turísticos. 

Feliz día dos Museos! Seguimos en marcha!


Made with Padlet
Museos do mundo de Biblio Poleiro

venres, 17 de maio de 2024

Feliz Día das Letras! En dous continentes e en todos os demais!

Porque en galego nunca foi declarada ningunha guerra, Feliz Día das Letras!!! En todos os continentes!!!

Partillamos este material no que as árbores de dous continentes ilustradas polo alumnado de debuxo artístico acollen e integran poemas de Luísa Villalta cun resultado fermosísimo. 



E lembrade, aquí tendes os recursos sobre a homenaxeada que foron aparecendo nesta bitácora, e mesmo estes outrosestes outros, elaborados por integrantes do Departamento de Orientación e Galego do noso centro e que xa están no repositorio do Seminario de Estudos Galegos, por estar especialmente deseñados para a integración.

xoves, 16 de maio de 2024

Máis recursos para o Día das Letras adicado a Luísa Villalta

 O Portal da Lingua recolle un montón de recursos multinivel para que coñezamos mellor á homenaxeada Luísa Villalta.

Preme na imaxe para acceder ao resumo da súa vida e obra, tamén da web do Portal da Lingua.






mércores, 15 de maio de 2024

Unha visita moi agradable: Manuel López Martínez na nosa biblio

 Manuel López Martínez, nado en Xinzo e mestre que estivo destinado en Ramirás, é un home que quere moito á nosa vila. Por iso achegouse á biblio traendo un fermoso agasallo: o seu último libro de poesía, "La lluvia en las entrañas", no que escribiu moi amablemente unha agarimosa dedicatoria. 

Tamén escribiu no noso libro de visitas!

En palabras da súa editorial,

"Manuel López Martínez, nos invita esta vez a su mente literaria, para que gocemos con él su vida interior. Su espíritu independiente, nos revela una vez más, los símbolos de su personalidad.

Auténtico en pensamientos y palabras, abraza la excepción en los tiempos corrientes. Muerde el cebo de la espiritualidad, y se adentra, en las aguas oscuras del río de la vida.

Llena de amor y misterio las latas vacías en el fondo de los pensamientos, para hacer una expedición a la verdad de los sentimientos."

O seu libro xa está fichado no noso catálogo, na sección Autores da Comarca


Foto da web do Museo da Limia


luns, 13 de maio de 2024

Semana das letras! Recursos con pictogramas sobre Luísa Villalta

 Comezamos a semana partillando este fermosísimo material elaborado polos departamentos de Orientación e Lingua Galega para traballar a vida e obra da homenaxeada Luísa Villalta mediante pictogramas. Pica nas imaxes e accede a web do Seminario Galán onde están aloxados os documentos en pdf.






EDITAMOS! ESTES RECURSOS TAMÉN FORON INCLUÍDOS NA WEB DA REAL ACADEMIA GALEGA, NA SECCIÓN "PRIMAVERA DAS LETRAS". PICA NA IMAXE PARA ACCEDER AO CONTIDO.





mércores, 8 de maio de 2024

EXCURSIÓN A ATAPUERCA

As nosas compañeiras do departamento de Historia organizaron unha viaxe ben bonita a Atapuerca e Burgos cidade do 1 ao 3 de maio e cóntannola así:

" O noso alumnado de 1º ESO, puido desfrutar duns días inesquecibles, visitando e coñecendo un dos xacementos arqueolóxicos máis importantes de Europa, tamén recoñecidos a nivel mundial, sobre todo, pola gran cantidade de restos fósiles humanos de xénero homo e faunísticos que se atoparon e seguen a atoparse.

Falamos nada máis e nada menos que da Serra de Atapuercapreto da cidade de Burgos. Alí, un grupo de arqueólogos explicáronnos os restos atopados, onde foron atopados, que evidencian, a importancia de ditos achados para a Arqueoloxía e moi especialmente para a Paleontoloxía e a evolución humana.

Tivemos a gran sorte de ver en persoa a dous dos codirectores da fundación Atapuerca e encargados das investigación e escavacións arqueolóxicas, E.Carbonell e J.M Bermúdez de Castro. Un luxo!

Antes do xantar en Atapuerca, realizamos un obradoiro sobre a evolución humana con Iván e Álvaro, os nosos arquéologos. Explicáronnos como identificar e clasificar os restos óseos e a que especie e xénero Homo pertencían a través de cráneos e industria lítica e por medio da manipulación de réplicas exactas de calotas e ferramentas de pedra do pasado. Por equipos o noso alumnado convertiuse en paleodetective e a través de pistas tivo que descubrir quen era quen. Moi instrutivo e divertido.

Pola tarde, sen saír de Atapuerca, fomos ó CAREX, e o centro de arqueoloxía experimental, onde o bribón de Álvaro, outro arqueólogo marabilloso, mostrounos como facer lume, aprender a cazar, manexarse co arco e frecha, xabalinas e lanzalas con propulsores ,facer industria lítica, pinturas rupestres de mans …en definitiva aprendendo a sobrevivir nunha viaxe no tempo que nos transportou ao Paleolítico, Neolítico e a Idade dos Metais, a etapa anterior á invención da escritura.

Os nosos guías foron xeniais e o noso alumnado estivo de 10. Felicitáronnos!

Pola tarde deunos tempo de visitar a cidade de Burgos: fomos ao mirador a contemplar as vistas desta cidade e da impoñente catedral gótica, única na Península Ibérica, declarada Monumento Nacional e Patrimonio da Humanidade pola Unesco. Paseamos polo Casco Histórico e rodeamos a catedral.

O segundo día , e para completar a experiencia didáctica de Atapuerca visitamos o Museo da Evolución Humana (MEH) alí o noso alumnado puido apreciar e observar os auténticos restos atopados en Atapuerca, como a industria lítica-Excalibur- cráneos –cráneo nº5 máis coñecido como Miguelón, a pelvis de Elvis…- vimos e admiramos as recreacións dos diferentes tramos evolutivos da humanidade , como o caso do Homo Antecessor, flora e fauna do Pleistoceno Medio como o mamut lanudo, embarcámonos na Beagle con Darwin e adentrámonos no noso cerebro …Unha pasada!

Pola tarde despois do xantar, visitamos o interior da catedral onde aproveitamos para falarlle e explicarlle o fundamental do estilo artístico chamado gótico que estudarán en 2º na materia de Historia. Aquí puideron abraiarse co seu cimborrio, as súas bóvedas, as vidreiras, a capela dos Condestables ou a soberbia Escaleira Dourada de Siloé, renacentista.

A viaxe foi todo un éxito. Obxectivo cumprido.

Silvia, profesora de Historia de 1º ESO

Accede ao album do testemuño gráfico da viaxe picando na imaxe!