O alumnado de 1º de Bacharelato xa rematou! Despedímolo con este traballo tan bonito que superpón, en forma de pancarta, os seus debuxos (en clave infantil) cunha foto da nosa fermosa escaleira abacial (a de pedra, que dicimos informalmente). A gozar dun merecido descanso!
Así de ben acompañadas estivemos na biblioteca a tarde de onte. Francisco Fariña e Luis Orero presentaron, logo dunha visita ao Castro, a completa edición que recolle achados antigos e recentes de Castromao. Agradecemos a oportunidade a César Llana, director do Museo Arqueolóxico de Ourense, que sempre nos ten en conta e nos axuda na nosa andaina museística, e por suposto aos autores da publicación.
Aquí quedan unhas imaxes. Por suposto, xa podedes atopar o libro nos nosos andeis. E aquí podedes ver a convocatoria da actividade, que publicamos fai uns días.
Partillou co noso alumnado de 2º ESO un ratiño ben interesante comentando o seu último libro, O que sei do silencio, que todos leran, puidendo así establecer un diálogo moi fluído coa autora.
Ela é reincidente: xa estivera na nosa biblio en 2023. Sempre benvida!
Velaquí o noso boletín que recolle algunhas as actividades que levamos feito no centro. Preme na imaxe! Aquí podes visitar o histórico de boletíns.
Comezou a tempada das visitas. Ademáis das escolares, outros grupos e institucións veñen visitarnos, algunhas veces da man da Fundación Curros e outras por outros medios.
As participantes no roteiro Celanova Terra de Mestras:
.jpeg)
Un grupo de profes do IES O Couto visitounos para coñecer a biblio e o resto do centro. Foi un encontro moi bonito para partillar experiencias. Eles estiveron recibindo docencia (moi aproveitada) da nosa coordinadora, coa que aprenderon nocións de encadernación e reparación de libros. Moi benvidas, xa sabedes onde estamos.
Lupe Blanco, da man do Departamento de Galego e o EDLG, achegouse a Celanova a agasallarnos con un obradoiro xenial e participativo, moi ben acollido polo alumnado (e polo profesorado!).
Percorremos os xéneros populares improvistatorios de polo mundo adiante, pero o máis importante: aguzamos as neuronas e aprendemos a inventar sobre a marcha con moito ritmo. Xa estamos con esta e outras actividades preparando as Letras, que como sabedes este ano están adicadas ás Cantareiras, que conservaron a poesía popular oral.
Improvisación, enxeño, música e moita diversión! Viva a tradición oral!!!!
.jpeg)
Está pasando! Somos de Premio!!! O equipo Meteoescolas está en Compostela na entrega dos premios Meteoescolas de Excelencia.
Podedes velo aquí: https://www.youtube.com/watch?v=IO0e5zGkZGY , retransmitirase en streaming, con inicio ás 12.30.
Polo momento xa nos chegan fotos da representación do IES que acudiu a recoller o premio.
Moitísimos parabéns!!!!!
.jpeg)
Información de interese e testemuños das vivencias do alumnado, todo en cinco minutiños. Valo perder?
Mañá ás 19.00! Non o perdades! É a mellor maneira de coñecer o noso centro! (Tamén podes entrar na nosa web, iescelanova.gal )
Continuamos a colaboración con Enxeñería Sen Fronteiras Galicia, dentro do programa Hackers Sen Fronteiras, e onte recibimos, con moitísima emoción, a Sandra Fernández de la Cruz, alumna do IES fai uns anos, que tras estudar Enxeñería Química fíxose cooperante.
Que fermosa coincidencia que unha exalumna estea colaborando con Enxeñería Sen Fronteiras como cooperante en Honduras.
Falounos dos países que visitou e explicounos en que consiste a cooperación, que comparte recursos técnicos e financieros con países en vías de desenvolvemento. Ela traballa con axentes do país no que estea, colaborando e partillando coñecementos. Actualmente está xestionando augas, para que os recursos hídricos chegen en condicións óptimas a regadíos e consumo.
Moitísimas grazas, Sandra. Amosáchenos un pouco máis o mundo, para que comprendamos a súa complexidade e a necesidade imperiosa de lograr a equidade entre as nacións.
Podes ver aquí o resto das actividades nas que participamos do programa Hackers Sen Fronteiras.
.jpeg)
.jpeg)
.jpeg)
.jpeg)
.jpeg)
Encantadas de rebotar esta boa nova: Alexandre segue a colleitar éxitos, e trala presentación do seu último traballo, O Segredo do Trasno, volve a aparecer nos medios cun novo recoñecemento, o premio Xuventude Crea.
Parabéns, Xandre! Dende aquí desexamos que continúes facendo o que máis che guste, e sendo así de polifacético, creativo e xenial.
Premede na imaxe para ver o artigo completo!
Comezamos 2025 con renovadas enerxías repasando as novas relevantes do primeiro trimestre.
Preme na imaxe e accede ao Boletín de Información ás Familias.
Hackers Sen Fronteiras, o programa no que participamos con Enxeñería Sen Fronteiras, traenos desta volta unhas sesións de Hip Hop que onte lle deron un aire diferente á aula de música.
Eva explicounos a orixe do Hip Hop na loita pola igualdade das clases desfavorecidas estadounidenses, substituíndo a violencia por graffiti, danza urbana ou rap.
Houbo tempo de explicar e tamén de aprender pasos para, a continuación, formar os "crews" e batallar danzando.
Grazas, Eva! Foi xenial!
Que boas novas! Picade na imaxe para ver o artigo completo que Laura Fernández escribiu contando o proxecto tan bonito que se está a levar a cabo no IES, no que Celanova e un dos municipios afectadas pola DANA, Picanya, únense mediante cartas escritas polo alumnado cheas de ánimo e bos desexos.
Yolanda e Paula, do departamento de Lingua Castelá en colaboración con Lola, Iván e Clara, do departamento de Orientación, emprenderon este proxecto que fomenta a empatía e a solidariedade, e no que ademais traballaron a carta como medio de comunicación... Algúns estudantes escribiron unha carta por primeira vez! E non descartan repetir.
Non vos perdades mañá no Liceo de Ourense a presentación de "O segredo do Trasno", poemario de Alexandre Corbillón coeditado por Aira editorial e a Fundación Ínsua dos Poetas.
Temos un recordo fantástico de Alexandre (ou Xandre), que pasou por esta biblioteca e polas nosas aulas, xa entón colaborando en canta actividade había no centro.
Acompañámolo na presentación de "Cristal", a súa ópera prima, autoeditada e que lle valeu moi boas críticas, e incluso unha estadía literaria en Islandia da man das bolsas da Deputación de Ourense xestionada por Residencia Literaria 1863.
Con limiar de Méndez Ferrín, este novo poemario traballado durante a súa estadía no estranxeiro promete ser a consagración de Xandre, e por suposto, unha fantástica excusa para que nós podamos fachendear.
A presentación contará con colaboracións excepcionais, Alexandre estará moi ben arrodeado: mirade o cartaz... é para non perder!
Estamos de estrea! Novo mobiliario para situar Lectura Fácil e coleccións, porque queremos que atopedes o que buscades axiña e porque estamos encantadas de expoñer os nosos fondos e que queden ben bonitos...
E incluso hai uns andeis para visibilizar homenaxes, premios e demais! As fotos non fan xustiza ao bonito que quedo, vinde a biblio e verédelo in situ!!!!
.jpeg)
.jpeg)
