Comer cos ollos 2: Comer e Cantar

 Como vimos comentándovos os últimos días, a gastronomía, que podemos considerar arte, casa moi ben con outras manifestacións artísticas. Hoxe toca a música: de xeito non exhaustivo pero si representativo, aí vos vai unha escolma de cancións de diversa índole para abrir o apetito. Que aproveite!

Comer cos ollos 1: Comer e Contar

 O prometido é débeda: aquí vai o primeiro material desta campaña: unha escolma de textos para comer cos ollos, nos que a gastronomía é a protagonista. De todos os tempos, de todos os xéneros, a manduca acostuma a estar presente na mente humana e por tanto en todas as súas manifestacións. Que aproveite!

TACHÁN, TACHÁN! NOVA CAMPAÑA!

 Para inaugurar o ano 23 nesta bitácora, presentámosvos a nova campaña que será moi saborosa... a gastronomía será o noso tema central... Atentos e atentas: nos vindeiros días comezaremos a partillar materiais ben chulos nos que conectaremos a gastronomía con outros placeres da vida: a literatura, a música... e con tempo, con outros temas relacionados: como comemos, como consumimos, como producimos, a soberanía alimentaria, o desenvolvemento sostible, etc.

Agardamos que vos guste e vos interese tanto como a nós!

Outra exposición no corredor: Producións propias!

 Entra no noso Album e bótalle unha ollada ás fotos con todo o detalle!

Deixámosvos un collage-resumo.

ESTIMADO PÚBLICO, HOXE PRESENTAMOS A NOSA NOVA CAMPAÑA 2021: " UN MUNDO FELIZ? COIDANDO O CORPO, A MENTE E A TERRA".

Este curso vén condicionado pola experiencia colectiva- e mesmo global- que estamos a vivir. Marca un punto de inflexión e de reflexión na nosa tarefa. Máis ca nunca evidénciase a necesidade de orientar o noso traballo de cara á recuperación de equilibrios. 

Certo é que sempre foron precarios, mais agora aparecen como brutalmente perdidos: equilibrios ecolóxicos, sociais e da propia cultura occidental que parece abalar á beira do novo milenio que se abre ante nós, non xa como horizonte, senón coma un cavorco certamente sombrío. Fronte a estes desequilibrios a nosa clientela -o alumnado lector e nós mesmas- tamén procuramos un territorio firme que nos evite perder pé. De aí que, cando ollamos arredor e percibimos a realidade distópica, renomeada como “nova normalidade”, nos decatásemos de que… todo estaba xa nos libros. 

Recordamos que Aldous Huxley xa escribira “Un mundo feliz” en 1932, pero tamén vemos de que do cultivo da conciencia, a intelixencia e a emoción -todo está nos libros- poden chegar as solucións. Ciencias, artes, espírito crítico e cívico foron ao longo da Historia os centros de gravidade que facilitaron o achado de novos equilibrios colectivos e individuais en tempos de crise, tamén na do COVID-19. Esta tivo carácter sanitario, e velaí a razón de pensarmos nos coidados: individuais (“mens sana in corpore sano” un programa do centro de gran aceptación) e colectivos, introducindo unha dimensión socioecolóxica ao ollar desde unha perspectiva planetaria. En definitiva, o lema para a nosa nova campaña de dinamización 2021 vén sendo tanto a expresión dunha incógnita como a dun desexo.

Un mundo feliz? Coidando o corpo, a mente e a Terra.

Debaixo deste título agárdannos lecturas distópicas e utópicas, navegacións pola realidade
sociopolítica, pola historia da Medicina, investigacións sobre o cambio climático ou a perda da
biodiversidade, e un amplo campo de experimentación coas propiedades curativas da Filosofía e das
Artes. Material de lectura e núcleos de interese non nos han faltar. 

Oxalá a nova normalidade nos sexa propicia.

Podedes seguir as publicacións da campaña na etiqueta "Un mundo feliz?"

CÓMPRAME A IGUALDADE: o brazo activista da campaña Voces de Muller

Cómprame a Igualdade é o brazo activista da campaña Voces de Muller, no que reflexionamos sobre a relación entre o consumo e o xénero. Partillaremos os nosos materiais nesta bitácora que hoxe vos presentamos pero que xa levamos un tempiño enchendo de contido... E o que falta!!! Cómprame a Igualdade é o froito da nosa participación nos Plans Proxecta da Xunta de Galicia, na modalidade Galicons-net.

Voces de Muller quere así aportar unha dose de realidade e de pensamento crítico ao alumnado pero tamén a toda a comunidade educativa e a todo o que se queira achegar á nosa bitácora e ver os nosos materiais cos que traballamos e os nosos produtos. Agardamos que sexa do voso agrado! Visítanos!

Éxito rotundo na presentación da campaña

Á espera de ter o vídeo oficial, deixámosvos esta fermosa imaxe do acto de presentación da campaña.

Mañá, presentación oficial da campaña Voces de Muller

Fíxose esperar, pero mañá teremos unha mañá moi atarefada inaugurando oficialmente a nosa campaña Voces de Muller que de feito xa leva en marcha uns meses. Nun acto moi participativo, partillaremos poesía, manifestos, opinións, música e sobre todo moita igualdade. Haberá sorpresas!

Voces de muller: a outra historia

E por fin, a esperada documentación de campaña! Fermosos paneis explicativos que estarán expostos nos taboleiros do corredor pero que xa podedes ver agora mesmo, que vos darán moito que pensar acerca da visión tradicional da historia. Mirade, mirade!

Novo ano, nova campaña: Voces de Muller

Non queremos deixar de desexarvos un 2019 cheo de novas experiencias e oportunidades, e anunciarvos, ademáis, que a nova campaña xa está en marcha: Voces de Muller dará moito que falar! Ata pronto!

Estamos de estrea... con todos vós, a nosa nova campaña: Guerra e Paz.

A ollada do outro: Material de campaña

Como vos anunciabamos onte, continuamos progresando nesta campaña que se vai poñendo interesantísima. Este é o material exposto no noso gran panel para que o vexades en detalle.
Bo proveito!

Collemos marcha na nosa nova campaña... Exotismos: A ollada do outro.

Espectacular a nova decoración para a campaña que iniciamos, Exotismos: A ollada do outro. No noso grande panel do corredor de abaixo xa temos un mural con moita información repartida en diversas temáticas relacionadas co fío xeral... Invitámosvos a que o leades atentamente, pois non ten desperdicio. Seguiremos informando!

Tachán, tachán...! Inauguramos campaña: "Exotismos: A ollada do outro."

Quen é o outro...?

Iremos desvelando as nosas intencións en próximos posts...

Odisea 2016. O cine, retablo de marabillas.

E, por fin, o noso fantástico material de campaña... unha escolma temática de pelis para tódolos gustos. Por qué unha campaña sobre cine? Porque, como dixo Godard, calquera momento da vida ten a súa película. E tamén porque, como dixo Chaplin, a vida é como unha película sen ensaios. A vida e o cine, o cine e a vida. Fan falta máis razóns?

Impresionante, non si?

Pois mirade que bonita quedou a biblioteca...

                                                                     

En breve volvemos con máis cine, polo momento deixámosvos co noso novo taboleiro Pinterest, con frases célebres sobre o marabilloso mundo do sétimo arte. Ata pronto.

Sigue el tablero El cine, un estilo de vida. de Biblioteca en Pinterest.

Entrada... de cine!!!

En pleno proceso de cambio da decoración dos nosos paneis e iniciando a nova campaña de lectura, traballamos arreo para deixar rematados os novos materiais, catálogos e demais... 

Esta campaña vainos quedar de Óscar!!!!

Para que vexades, un adianto da nosa nova decoración... digamos... un tráiler... pero non definitiva, eh?, vai ser aínda mellor!

Ademais temos que documentarnos: o espazo virtual está cheo de ideas para adaptalas ao noso xeito e... a triunfar!!! Por iso, na nosa investigación comezamos atopando  este blog tan interesante, eduKacine con recursos sobre cine, con pelis clasificadas por niveis e áreas de traballo e con cadansúa ficha didáctica. Pode ser unha boa maneira para que os profes nos inspiremos á hora de incluír o sétimo arte na nosa aula...

E para que poñas en xogo o teu saber en cine, proba este Trivial cinematográfico... Temos moito que aprender!!!!

Video-resumo da nosa campaña Viaxes no tempo: Relato histórico.

Adeus, Relato Histórico! Ou mellor, ata pronto... Adicámosche este vídeo que recolle as actividades realizadas, a decoración da Biblio... E con banda sonora propia!!! O alumnado de 4ºESO tocando Greensleeves! Esperamos que vos guste.

O que a Ciencia-Ficción aportou á realidade...

A creatividade dos escritores e cineastas foi quen de predicir adiantos tecnolóxicos que agora son mesmo cotiáns... Qué nos deparará o futuro? Próximo episodio, na Biblio.

A Ciencia-Ficción, unha receita con moitos ingredientes...

E NO DÍA DO LIBRO, INAUGURAMOS CAMPAÑA: CIENCIA-FICCIÓN

FELIZ DÍA DO LIBRO A TODOS E TODAS!!!!

CELEBRÁMOLO INAUGURANDO OFICIALMENTE A NOSA NOVA CAMPAÑA...

A MÁQUINA DO TEMPO ESTÁ QUE NON PARA!!!

Botádelle unha ollada a esta impresionante presentación e seredes uns especialistas na materia, para escoller e aconsellar con criterio refinado lecturas, pelis, videoxogos ou bandas deseñadas:

Seguiremos traballando nesta campaña e amosándovos novos materiais moi, moi interesantes!!! Boa viaxe!!!