Temos outro premio!!!

O Traballo Consortes conSorte, realizado polo alumnado de Debuxo Artístico de bacharelato e dirixido por Isidora Gil, acaba de ser galardoado no V Concurso de Traballo por Proxectos da Consellería de Educación. Son 1500€ para materiais da biblioteca e o recoñecemento ao traballo e a creatividade dos nosos estudantes. 

Os resultados están expostos no corredor da biblioteca e o proxecto publicado no blog e na aula virtual de Debuxo, sitios aos que podedes acceder a través da web do centro.

Grazas a todos os participantes!

Deixámosvos un vídeo realizado na nosa aula de audiovisuais por Carlos Alonso onde veredes un resumo do magnífico traballo realizado -e unha pequena homenaxe aos seus autores e autores-, e para máis detalle, o padlet con toda a documentación do proxecto. Non deixedes de velo, paga a pena!

Parecidos reais

E como regaliño de despedida a este alumnado de 2º de Bacharelato que xa nos deixa, aquí vos vai unha montaxe na que poderedes comprobar como debuxamos, sen querer, os nosos rasgos... Parecidos razonables? Non, parecidos Reais! Que opinades?

O traballo orixinal, "Consortes con Sorte?" que como sabedes decora o corredor da biblio, podédelo admirar aquí, na entrada deste blog do 27 de abril, onde nun padlet aparece o proceso creativo completo.

Consortes, con sorte?

Temos a sorte de que sexan a nova decoración do corredor da nosa biblio... Mirade que traballo tan espectacular realizou o alumnado de Debuxo Artístico de 2ºBach!
Ben bonito e ben documentado: entrade no padlet do proxecto e veredes todo o proceso e a súa relación cun proxecto anterior que decora o interior da biblioteca: Reis e Raíñas.