Empoléirate na Ciencia: Da Idea ao Produto

Un percorrido completo polo proceso que nos permitiu mobilizar e interrelacionar os obxectivos adquiridos para elaborar un proxecto relacionado co deseño gráfico, industrial ou arquitectónico, nunha primeira fase, e a súa produción final en última instancia. Debuxo técnico + Tecnoloxía para acadar uns reaultados reais e significativos!!! Segue os nosos proxectos entrando no seguinte enlace: Empoléirate na Ciencia!!!

Aquí estamos, aquí debuxamos...

Velaquí o traballo de Debuxo Artístico de segundo de bacharelato, no que se traballou a perspectiva (e moitas máis cousas) para retratar o noso mosteiro. Aquí vos quedan bocetos, explicacións e traballos finais.

A nosa arquitectura, vista con outros ollos...

Este é o traballo do alumnado de debuxo de 1º de bacharelato. Sen ir moi lonxe temos inspiración dabondo para aprender perspectiva... e moito máis!

Da pedra á impresión 3D

Mirade que presentación tan traballada para explicar o "making off" (o "como se fixo" de toda a vida) deste proxecto innovador onde os haxa, que como sabedes presentamos no pasado Encontro Inspiratics. Historia e modernidade, arte e tecnoloxía unidos nun proxecto con un produto final do que estamos orgullosos...

Os testemuños audiovisuais do noso paso polo VII Encontro Inspiratics.

Con motivo do premio que nos foi concedido polo proxecto Empoléirate na Ciencia que presentamos o ano pasado no III Concurso Proyecta Innovación, (dependente da Plataforma Proyecta), participamos aportando unha experiencia de centro no VII Encontro Inspiratics, o que aproveitamos tamén para recoller o premio.

Velaquí o vídeo no que resumimos a experiencia, así como unha montaxe dos compañeiros de Jalsistemas que nos acompañaron na nosa experiencia.

Non deixedes de velos, vanvos gustar!!!!

Recollíamos a noticia do premio nesta entrada de Bibliopoleiro... Que ben nos soubo!!!

Gañadores do III Concurso Proyecta Innovación

Ésta é a imaxe que mellor nos define no día de hoxe! 

Gañadores do III Concurso Proyecta Innovación!!!

Podedes atopar máis información sobre o noso proxecto gañador Empoléirate na Ciencia en http://www.plataformaproyecta.org/ , onde poderedes ver mesmo o vídeo da nosa defensa na gran final. Un traballo en equipo ben feito!!! 

Tamén a prensa fixo eco do evento... podedes ler o artigo enteiro aquí.

E de aquí partimos: este é o vídeo co que iniciamos a nosa participación neste certame:

        E con este vídeo acompañamos a nosa locución de defensa do noso proxecto na fase final que tivo lugar na sede da Fundación Fernández Latorre en A Coruña na que participaron os profesores Celso Fernández Lorenzo e Irma Fernández Alonso e os alumnos Iván Dobaño Rodríguez e Rubén Valado Dapía.