Feliz 2024!!!! Con moito sabor: As receitas da profe

 Rematando xa os últimos materiais da nosa saborosa campaña Comer ou non Comer, achegamos este delicioso traballo realizado pola profe, Isidora Gil, seguindo os mesmos procesos que o seu alumnado.

Premede na imaxe para velo completo. Que aproveite!!!

Cores e sabores

 Achéganse as vacacións de Nadal... Para darvos ideas para os menús dos próximos días, partillamos este fermoso documento no que as receitas inspiraron fermosas imaxes  e combinacións de cores que de seguro serán moi agradables ao noso padal. Que aproveite! Preme na imaxe para gozar do menú completo!

Tanxencias comestibles

 Rematando o trimestre, rematan tamén os traballos do alumnado que quedan así de fermosos... Quen dixo que o debuxo técnico e a gastronomía non tiñan nada que ver?

Preme na imaxe para gozar do documento completo!

Comida xeométrica

 O alumnado de 4º finalizou os seus traballos de expresión artística así de ben... Últimos coletazos da nosa campaña gastronómica!!!

Preme na imaxe para ver o documento completo.

Recta final da campaña: Piatto! Traballos finais de Debuxo...con música

 Xa nos últimos meses de campaña, aínda quedan cousiñas por partillar. Hoxe deixámosvos este resumo dos traballos relativos á gastronomía que se están a facer no Departamento de Debuxo.

Como hoxe é o día de Santa Cecilia, patroa da música, e seguindo a idea da cena de Don Giovanni co Comendador, tamén vos deixamos esta recomendación: o vídeo da escena operística de Mozart na que a pantasma do Comendador acode á invitación de Don Giovanni. Que aproveite!

Hackers Sen Fronteiras: reflexións logo do curso piloto 22-23

As amigas de ESF (Enxeñería Sen Fronteiras Galicia), cos que, como sabedes, comezamos a colaborar o curso pasado no proxecto Hackers Sen Fronteiras, envíannos dúas novas ben interesantes.

Por unha banda, un estudo sobre Tecnoloxía para o Ben Común no ensino secundario galego que desenvolveron a raíz das enquisas que recolleron nos centros participantes no programa piloto (ademáis de nós, o IES San Rosendo de Mondoñedo e o IES de Curtis). 

Entre as evidencias que arroxa á luz, está a de que a Tecnoloxía para o Ben Común, se ben é un tema que lles resulta interesante, está afastado da súa realidade. Ou a fenda de xénero, pola que as rapazas non perciben o eido tecnolóxico como propio. Ou que o alumnado non indentifica como tecnoloxía, por exemplo, o protocolo COVID do instituto. Ou que non considera que a tecnoloxía poida reducir a desigualdade social. 

Un exemplo:

Podes ler o documento completo aquí.

Por outra banda, e tendo en conta o material das materias de secundaria que se utilizan nos centros, realizaron unha análise de libros de texto con enfoque de tecnoloxía para o ben común.

As conclusións, entre outras: 

"Como conclusiones generales en los libros analizados, aunque se ha trabajado bastante el enfoque de género y étnico, no ha ocurrido lo mismo con personas con discapacidades (muy ausentes en general). A nivel ambiental, hay ciertas reflexiones, ejercicios e incluso imágenes que sí reflejan impactos del uso indiscriminado de aparatos y materiales, pero sin pararse a pensar en alternativas reales más allá de las más trilladas (que en realidad tampoco nos salvarán…). 

Por último, hay una alarmante falta de contenidos donde se cuestione la tecnología como algo más que instrumentos materiales sin conexión con quién los maneja, para qué y quién toma las decisiones de su manejo, por qué usar unos u otros y si se beneficia a una mayoría. La gobernanza de la tecnología es parte intrínseca del hecho tecnológico y, sin abordarlo, cualquier texto de tecnología quedará incompleto y contribuirá a perpetuar este modelo insostenible. No es posible la neutralidad en estos casos."

Preme na imaxe para acceder a todos os contidos, conclusións, guías de análise e procedementos.

Bodegóns!!!

 Velaquí os recentes traballos da recta final da campaña gastronómica que nos acompaña durante este 2023. Desta vez, bodegóns. Con inspiracións de épocas artísticas varias e diversas técnicas, poderedes contemplar os fermosos traballos do alumnado de debuxo artístico.

E tamén, para recrearnos, presentámosvos un museo virtual de bodegóns no que poderedes contemplar a súa evolución histórica.

As nosas receitas

 Estamos preparando unha escolma de receitas. Aquí vos deixamos o modelo: ide buscando a cociñeiros e cociñeiras do voso contorno que vos queiran partillar os seus segredos culinarios!

Herbas para comer e curar

 Achegámonos á fin de curso, e polo tanto á noite de San Xoán. Deixámosvos un traballiño de fai tempo que nos acae moi ben nestas datas: Herbas para comer e curar.

O alumnado de debuxo artístico do curso 17-18 realizou este herbario tan fermoso no que podedes atopar especies nomeadas en varios idiomas e tamén co nome científico. Pica na imaxe para ver o documento completo.

Así que, como di o dito: "Herbiñas de San Xoán, librádeme de todo mal". Máis información...

Música Na Cociña

 

Velaquí o proxecto de 2ºESO C dentro da campaña da biblio: Música cotidiáfona. A música cotidiáfona é a que se interpreta con obxectos que non son intrumentos musicais. Así que tomando a cociña como escenario, lanzámonos a gravar as nosas propias composicións inspirándonos nun vídeo de percusionistas profesionais que fan da casa o seu instrumento.

Partillamos este taboleiro no que podedes escoitar todas as composicións.

A comida na arte

 Rescatamos un traballo de antano para que vexades que isto do comer non é cousa de agora. Xa levamos tempo traballando arredor da importancia da gastronomía, e hoxe a cousa vai de bodegóns reinterpretados polo alumnado de debuxo artístico do curso 19/20.

Saudamos dende aquí a ese alumnado que xa non está con nós e voa polo mundo adiante. Picade na imaxe para ver o documento completo!

De viño, que auga non bebo!

Utilizamos este fermoso verso do Miudiño para titular o mini proxecto do alumnado de 2º de Bacharelato de Historia da Música e a Danza ao fío da campaña da biblio...

Neste taboleiro poderedes viaxar pola historia da música da man da gastronomía, presentados en forma de menú... Unha maridaxe perfecta!

Bodegóns de cores

 Continuando cos produtos da campaña, o alumnado de plástica de 4º preparou estes bodegóns tan chulos, cos que aprenderon a encaixar e proporcionar unha imaxe, traballaron as gamas cromáticas, valoraron as luces e as sombras e todo elo coa técnica do acrílico.

Da man dos grandes (Caravaggio, Van Gogh, Zurbarán e outros), recrearon as súas propias obras de arte cuns resultados fermosísimos.

Pica na imaxe para ver o documento completo!

"Hambre y Cebolla"

 Velaquí os traballos audiovisuais do alumnado de Literatura sobre o Lazarillo de Tormes.

Comida estampada

A comida continúa a ser neste curso fonte de inspiración. Velaquí un traballo de 4º ESO na materia de plástica no que se traballan ritmos visuais, espazos e novas técnicas.

Picade na imaxe para acceder á presentación completa. Que aproveite!

Comemos con Clara Peters: Ao detalle.

Mirade que traballo tan bonito do curso pasado... xa apuntábamos maneras interesándonos polas cousas de comer: o alumnado de debuxo artístico reinterpretou as obras de Clara Peeters, pintora nacida presuntamente en Amberes no século XVI que se especializou en naturezas mortas. Algunhas delas escondían autorretratos, e tiña un estilo moi preciso e detallista.

O Museo do Prado garda catro dos seus mellores bodegóns. 

Picade na imaxe para gozar dos traballos de Clara e do noso alumnado!

Para comezar o trimestre, poñemos a mesa!

 Continuamos a nosa campaña comestible desta vez poñendo a mesa: debuxamos diversos utensilios de mesa e expoñémolos con cartaces que nos informan dos seus nomes en diferentes idiomas.

Picade na imaxe para visualizar a presentación completa e visitade a exposición nos nosos corredores!

E se picas nesta foto podes acceder a toda a galería fotográfica da campaña en curso!

Bodegóns: Naturezas de papel

 Fermosura de traballo o do alumnado de 4ºESO, no que reviviron bodegóns de grandes artistas, educando o ollo e traballando a proporción das imaxes.

Picade na imaxe para ver o traballo completo, que tamén podedes ver exposto nos nosos corredores.

A comida, a vida: A comida na biblioteca

 Claro que si: a biblioteca é un reflexo da vida. Nesta presentación da última entrega de "A comida, a vida" atoparedes referencias da biblio relativas á nosa campaña Comer ou non comer... : historia dos alimentos e da gastronomía, ciencia, viaxes, receitas, narrativa, pelis... 

Pica na imaxe para acceder ao contido completo da presentación!

E lembra: buscar no noso catálogo de fondos é doado! Accede aquí ao buscador, ou picando na imaxe, ou escaneando o qr...

A comida, a vida: Ricos e pobres

Hoxe, desigualdades na cuarta entrega de "A comida, a vida". Mentres algúns pasan fame, outros teñen doenzas derivadas da abundancia e do exceso. Pode o planeta permitirse alimentar a unha poboación crecente? Podemos quedar tranquilos os países desenvolvidos co vergoñento desperdicio alimentario que producimos?

Picade na imaxe para acceder á presentación completa. Esta si que non ten desperdicio!

Sobre soberanía alimentaria e desenvolvemento sostible tivemos uns obradoiros xa no primeiro trimestre, para irnos documentando e encarar estas cuestións con información fiable. Podedes ver aquí os materiais, elaborados por Enxeñería Sen Fronteiras Galicia dentro do programa piloto Hackers Sen Fronteiras no que, como sabedes, participamos este curso!

Aquí, todas as entradas da campaña en curso Comer ou non comer...