Hoxe deixámosvos o material de traballo para este proxecto da aula de debuxo artístico, relacionado coas diferentes visións que pode ter cada artista dun concepto. Botádelle unha ollada a este material informativo que partillamos a semana pasada porque é o complemento para que entendamos o bonito e creativo que vai ser este proceso.
Con todos e todas vos, en Versións das Musas, "Obras de arte con outra mirada"!
Deixámosvos este bonito documento de traballo para a aula. Como dixo Picasso, os grandes artistas copian, os xenios rouban... Que hai detrás desta frase lapidaria?
Descubre a diferencia que hai entre estes tres conceptos, copia, versión e interpretación, e goza de exemplos artísticos de todos os tempos! Preme para ver o documento completo!
O pasado día 5 de decembro recibimos a Sergio Fernández, de Enxeñería Sen Fronteiras Galicia, que realizou tres charlas-obradoiro sobre soberanía alimentaria e desenvolvemento sostible. Esta actividade pertence ao programa no que participamos como un dos tres centros piloto de Galicia, Hackers Sen Fronteiras. O programa consiste en que a ONG envía especialistas a realizar charlas e obradoiros aos centros sobre diversos temas de sensibilización en torno á tecnoloxía para o desenvolvemento humano, así como asesoramento e materiais. Como a nosa vindeira campaña 2023 xirará en torno á comida, que mellor que comezar informándonos sobre este tema?
Así, durante as charlas o alumnado puido constatar como o modelo actual de produción e consumo non é sostible, e dá lugar a desigualdades, malgasto dos recursos, contaminación e un longo etcétera de consecuencias negativas.
O facilitador cedeunos os materiais empregados por se queremos nalgún momento repasalos: algúns vídeos moi axeitados e unha presentación con datos moi interesantes. Pica nas imaxes para acceder.
Mirade que marabilla: avanzan as creacións artísticas do alumnado de debuxo! Achegamos o padlet onde podedes ver o proceso tan rigoroso de traballo que están a seguir. Parabéns!!!!
Nos próximos días iremos subindo máis materiais e fases deste proxecto que nos ten ben entretidas!
Hoxe deixámosvos este material que utilizará todo o alumnado participante no proxecto, pero principalmente o alumnado de Linguaxe e práctica musical, e que nos sirve para documentarnos en aspectos históricos e técnicos do canto gregoriano ou canto chan.
É un patrimonio moi importante porque, entre outras cousas, sentou as bases da escritura musical actual. Dicirvos que na biblio temos varios volumes e gravacións para profundizar máis no tema. Que aproveite!
E aí vos vai un fantástico material informativo para apoiar a primeira sesión, que iremos ampliando conforme o noso proxecto anual. Que vos preste!
Esta semana en DIVULGANDO ARTE teremos o placer de escoitar a Andrea, presentando o seu traballo sobre Velázquez e a Ana, sobre o Impresionismo, o martes 20 e o xoves 22 respectivamente, ás 17.00.
De novo, non tes máis que, chegada a hora, copiar este enlace no teu navegador:
https://meet.jit.si/DIVULGANDOARTE
e gozar da arte explicada polas mellores!
Como sabedes, producimos materiais variados. Hoxe, Día Internacional da Arte (cumpreanos de Leonardo da Vinci -fai 569 anos que naceu-), traémosvos esta presentación tan chula sobre cadeiras de diferentes deseños que o departamento de Plástica na persoa de Isidora Gil elaborou para o seu alumnado. As cadeiras tamén poden ser arte!
Que aproveite!
O Departamento de Xeografía e Historia, co profe Raúl Rodríguez Iglesias, argallou algo ben bonito: o seu alumnado de Historia da Arte de 2º de Bacharelato, que xa está na recta final do curso, exporá os seus traballos sobre diversos autores e todos poderemos asistir porque será virtualmente, vía Jitsi.
Non tendes máis que copiar no voso navegador o enlace que aparece nos cartaces,
https://meet.jit.si/DIVULGANDOARTE ,
e pasalo en grande aprendendo mil cousas da man dos nosos expertos.
Esta próxima semana, Aitana exporá o martes ás 17 o seu traballo sobre Dalí e Lucas aportará os seus coñecementos sobre Van Gogh o xoves á mesma hora.
Seguiremos informando nas vindeiras semanas de cada un dos eventos, pero tamén atoparedes fermosos cartaces informativos -deseñados por Isidora Gil- polos corredores.
E velaquí os apuntamentos que Isidora Gil elaborou como material de docencia para un grupo de profes que quere este libro de relatos curtos de Darío Xoán Cabana.
É unha preciosidade, está moi ben explicadiño, con exemplos e documentación, e con pistas e consellos para abordar semellante fazaña (ilustrar!). Podemos ver tamén os traballos que os profes están a elaborar, e que son ben xeitosos. A seguir así!
Felices vacacións!
Presentamosvos este material sobre feísmo, mal xa endémico do noso entorno e que non leva trazas de mellorar. Eduquemos o ollo para loitar contra as actuacións que degradan a beleza das nosas aldeas, vilas e cidades!
Hoxe deixámosvos esta fermosa presentación na que pasiño a pasiño se nos van mostrando pistas para ilustrar un conto. É moi importante o feito de que a ilustración completa á historia, a aclara ou a adorna, así que finalmente non importa tanto a técnica... Non obstante, tamén nos da unhas pistas sobre diferentes materiais e técnicas, nos explica como documentarnos ou aporta ideas sobre a composición da ilustración.
Pero é mellor que a vexades pola vosa conta, que non ten desperdicio! Que aproveite!
