Percorremos Ribadavia e convivimos cos amigos do Club de Lectura do IES Aquis Queruqernis de Bande

O prometido é débeda: Alá vai o padlet con materiais para que vexades o chula que foi a nosa convivencia en Ribadavia. O apartado de "documentos gráficos" irá crecendo progresivamente a medida que nos compartan fotos e vídeos...

E xa foi! Despedimos o curso convivindo en Ribadavia!

O pasado 22 de xuño despedimos o curso cunha actividade conxunta de convivencia de clubs de lectura cos amigos do IES Aquis Querquernis de Bande.

Ribadavia acolleunos moi ben, e pasamos un día estupendo entre historia, exotismos, lecturas e turismo activo... e moitas risas!

Á espera de recibir o material gráfico dos nosos reporteiros e reporteiras, e deixar preparado o noso taboleiro cos materiais, que xa vos compartiremos, so queda dicir: "Ata o ano que vén". Esperamos repetir.

Seguiremos informando!!!

Teatro-Jazz en Compostela. Un día ben aproveitado!

E continuando con actividades pasadas que non deu tempo a mencionar, aquí nos vai esta tan chula en colaboración co departamento de música. Tivemos a sorte de que no Auditorio de Galicia nos seleccionaran para asistir ao espectáculo didáctico de Jazz teatralizado a cargo da compañía Gallaecia Gallaeciños, e convidaron ao noso club O Exército de Dumbledore a participar na actividade.

Da man de músicos e actores coñecemos as raíces e a evolución do Jazz dun xeito moi ameno e entretido, e, por que non, non deixa de estar inserto na nosa campaña de Exotismos: da fusión cultural poden xurdir grandes cousas.

O EDLG colaborou tamén e visitamos o Museo do Pobo Galego, desta vez dedicándonos especialmente aos oficios e ao traxe.

E para que o día fora completo, completo, o organista da Catedral de Santiago, Adrián Regueiro, explicou as características do órgano e tocou para nós unha selección de pezas marabillosamente interpretadas.

Non se pode ter máis por menos! Territorio das Artes!

A Ollada de Manal

Interesantísima a charla con Manal que mantivemos o pasado luns na biblio...
Está claro que para loitar contra os prexuízos e mellorar a convivencia, a ferramenta máis poderosa é a educación.

Como? Que quen é Manal?

Bótalle unha ollada á presentación que aparece a continuación e comparte a nosa experiencia!

25N: Resultado final

Aquí vos deixamos un pequeno resumo das nosas actividades do día 25 de Novembro. Axudados polo Centro de Información á Muller da Mancomunidade Terras de Celanova resultou un acto moi emotivo e con moito significado. Aquí tendes o enlace do propio día do acto, onde atoparedes tamén a curta que proxectamos. Ademáis de vela, limos uns textos preciosos elaborados polo alumnado e o manifesto reivindicativo que nos preparou o CIM, e por suposto, descobremos o mural, que agora pendura dunha das nosas paredes. Todo un exemplo de traballo en equipo!

25N: Non máis violencia

Para conmemorar o Día Internacional da Eliminación da Violencia contra a Muller, invitámosvos a que pasedes pola nosa mesa de mulleres protagonistas. Hai moito que ler, que ver, que escoitar...

Nun ratiño teremos un encontro para recordar as mulleres que marcaron a nosa vida, a un tempo importantes e anónimas. Nel veremos unha curta, leremos os nosos textos, destaparemos un mural... Contarémovolo no próximo post. De momento, deixámosvos coa curta "El orden de las cosas"

E para festexar o fin de curso... La Ola

Hoxe o Exército de Dumbledore reuniuse para despedirse e ver La Ola, que foi un dos libros que leron durante o curso... Despóis irán todos de celebración, porque as vacacións hai que celebralas, e moito... Feliz verán e feliz lectura!!!

E para un verán De Cine, velaquí as 20 maletas coas mellores pelis para disfrutar das vacacións!

Comedia a 12 cordas: Filosolfando na nosa Biblio!

De novo imos contar cunha produción de alto nivel na nosa biblio: Filosolfando. Luís Iglesia e Xabier Deive, que nos trouxeron en xaneiro de 2014 o seu espectáculo Sede de Mal, vistítannos para ofrecernos, en palabras da compañía, Boneca Lareta...

"un espectáculo que é a continuación natural, talvez a evolución necesaria, da anterior montaxe da produtora: Sede de Mal. Nesta ocasión, os dous intérpretes soben ao escenario para reflexionar sobre unha cuestión simple, sinxela, do máis mundana, un asunto que é tan vulgar que lle acontece a calquera, mesmo a un ninguén: A existencia! Esa é a cuestión e non o outra. 

A filosofía proclama iso de que un ser humano “pensa, logo existe.” Pero... de verdade facemos unha cousa antes ca outra? Deive e Iglesia comezan nese punto a interpretar a partitura da obra, escrita e dirixida polo actor, autor e director teatral Avelino González. 

Se en Sede de Mal Boneca Lareta nos propuña unha comedia a doce cordas sobre o lado escuro da vida, agora as cordas soan ao redor do lado menos sensato desa mesma vida de claroscuros"

Vémonos o xoves día 16 ás 12.30 na biblio...

Alá vai o aperitivo:

Que ben o pasamos no teatro!!! O club de lectura vai de excursión.

Perdoade o retraso, pero é que andamos a cen! Mais agora vos vai o post detallado das nosas actividades do día 18 febreiro.

Mañá completiña: primeiro, visita ao conservatorio, onde Marisol Mendive nos acolleu e nos explicou o funcionamento do instrumento órgano que nos abraiou coa súa complexidade e coa súa sonoridade. Mesmo tivemos mini concerto, da propia profesora de órgano Marisol e das nosas profes de música tocando o órgano a catro mans e catro pés.

A continuación demos un paseíño ata o centro e chegamos ao Teatro Principal, onde as nosas entradas para Variedades xa estaban reservadas. Sentámonos no patio de butacas e... a disfrutar! Pequenos fragmentos teatrais foron poñendo ante os nosos ollos diversas situacións, moitas delas reivindicativas dos problemas aos que se enfronta a sociedade de hoxe. Dende un informativo surrealista ata a historia de por que as ras lle cantan a lúa, pasando por uns parados laborais viaxeiros do tempo na percura dun traballo digno. Outros centros educativos enchían o teatro, e penso que todos saímos contentos da experiencia.

Aproveitamos o desprazamento para recitar a Rosalía alá onde fomos... os nosos recitados aparecen no vídeo homenaxe que lle adicamos no seu día. Unha experiencia completiña, completiña.