Utilidades ALFIN

 Para inaugurar decembro, traemos de volta esta compilación de recursos ALFIN que xa partillaramos fai un tempiño, ou estaban dispersos pola bitácora adiante. Agardamos que vos sexan de utilidade!

Feliz semana do libro!!!! Hoxe, O Papagaio!

 Agardamos que as vacacións foran estupendamente.

Inauguramos semana do libro cunha proposta: como a biblio está subscrita á revista O Papagaio, que saibades que se pode acceder ao seu formato virtual nos dispositivos do centro mediante o seguinte enlace:

https://opapagaio.gal/rexistro/

Que aproveite! E feliz lectura!

As artes do libro: Continuamos encadernando polo mundo

 Continuamos celebrando os Días do Libro. Con esta fermosura de titorial están os compañeiros e compañeiras de Maceda mellorando a súa técnica encadernadora da man de Isidora Gil, que está realizando con eles unhas sesións de docencia do máis produtivo. Xa levamos uns aniños nesto, dentro do noso Proxecto Gutenberg, e teñen saído da nosa factoría os fantásticos titoriais "Encadernacións para manazas" que podedes visitar aquí.

Polo momento deixámosvos este material e mandamos un saúdo aos profes de Maceda que o están facendo tan ben. 

KOHEANDO

 Bo día!

Hoxe toca kohear! Aprenderemos a realizar a catalogación derivada. Agardamos que sexa de utilidade!

KOHEANDO

 Traémosvos unha nova entrega de  "KOHEANDO". Xa sabedes que nesta sección temos a intención achegarvos recursos para aprendermos a trebellar coa nova plataforma de xestión da biblio da que xa vos falamos, Koha, e que no noso caso xa estamos a utilizar a pleno rendemento.

Hoxe, aprenderemos a realizar a catalogación directa. 

Calendario científico escolar 2022

 Como cada ano deixámosvos o enlace de descarga desta fantástica iniciativa do CSIC que da a coñecer referentes STEM e efemérides científicas, deseñado e ilustrado por Belén Ballesteros.

Accede aquí aos calendarios 2020 e 2021!

Pica na imaxe para ver e descargar!

Tamén podes consultar, para máis información, a guía didáctica.

E o formato "editable" do calendario.

Novidades no noso catálogo e na nosa ferramenta de xestión

 Pois si, por fin rematamos a mudanza dende a anterior ferramenta de xestión (MEIGA) á actual (KOHA), pensamos que con bastante éxito pola nosa parte como usuarias e, polo momento, por parte da propia ferramenta e de quen xestionou a migración. 

Xa temos tamén o novo enlace para que entredes no catálogo, que é ben bonito, e do que vos deixamos aquí a interface, na que aparecerán actualizados os fondos máis prestados e as novidades.

Pica na imaxe e accede!

A nosa biblio aparece na canle de Youtube de Paco Nadal

Bo día! Arrancamos o segundo trimestre con renovadas enerxías, e achegámosvos unha nova ben bonita: a nosa biblio volve a andar pola rede. 

E non só a nosa biblio: Paco Nadal, coñecido pola súa colaboración no diario El País, en Cadena Ser e por ter unha fantástica canle de youtube e unha web sobre viaxes, "1000 sitios que ver", presenta este vídeo de preto de 8 minutos no que conta as marabillas da nosa comarca.

Aquí volo deixamos, non ten desperdicio. Que nunca deixemos de valorar o noso patrimonio!

Darío Xohán Cabana, ata sempre.

 Hoxe lembramos a Darío Xohán Cabana que marchou para non volver. Quedarán as súas magníficas letras nas nosas lembranzas e na nosa biblio. E tamén nas actividades que fixemos sobre elas, pois foron un fantástico fío conductor para o material de formación en ilustración que elaborou Isidora Gil para os compañeiros de O Barco. Aquí vos queda. Picade nas imaxes para ver os arquivos completos.

http://bibliotecapoleiro.blogspot.com/search?q=o+libro+dos+moradores

Volve a nosa Hora de Ler

 Esta semana retomamos a nosa Hora de Ler. Achegámosvos, para que o teñades a man, o padlet de recursos que preparamos o curso pasado e está en permanente actualización. Que aproveite!

Feliz Día das Letras!!!! Parabéns, Xela Arias

 Neste ano pandémico non podemos deixar de sinalar a festa das nosas letras, que como sabedes é o luns, pero xa imos quecendo motores.

Moitos blogs escolmaron recursos sobre ela para traballar na aula, deixámosvos algúns enlaces ben interesantes. A semana que vén achegarémosvos unha escolma propia de poesía que podedes utilizar na Hora de Ler ou simplemente gozala calquera día

Recursos varios:

Consultade o xenial Blogesquío do CEIP Saco e Arce de Toén.

Fantástico material do IES Salvaterra de Miño

E un reto: A Biblio do IES Poeta Díaz Castro proponnos facer a versión musical de Son quen de Xela Arias. 

Aquí vos deixamos o vídeo titorial por se vos animades ao longo da semana que vén a cantala. 

Boa finde das letras!

Desmontando bulos e practicando o pensamento crítico.

Hoxe, da man de Ciberespect (activismo dixital contra o odio e a desinformación) deixámosvos estas dúas infografías ben interesantes:

Na primeira delas podemos ver como se articula o discurso do odio, baseando a miúdo os seus argumentos nestes catro mecanismos:

Picade na imaxe para ampliala.

Por outra banda, hai que previr acerca dos sesgos / nesgos cognitivos que distorsionan a nosa interpretación da información:

Picade na imaxe para ampliala.

"Especial Pandemias", sétima entrega: O hixienismo

Terá que ver a hixiene coa saúde? Vai ser que si. Coñece máis sobre o movemento que contribuiu a mellorar a calidade de vida das persoas e a previr moitas enfermidades nesta sétima pílula informativa do "Especial Pandemias".

"Especial Pandemias", sexta entrega: A chegada das vacinas

 Por fin! As vacinas! Como sabedes, hai quen desconfía delas... Pero dende o seu descobremento teñen evitado un número incalculable de mortes. Por certo, sabes quen foi Isabel Zendal? E como chegou a vacina da variola ao continente americano? Descobre estas respostas e moitas máis na sexta pílula informativa do noso "Especial Pandemias". 

Na biblio tamén temos producións propias!

Hoxe presentámosvos as nosas producións propias, das que estamos moi orgullosas: queremos "fachendear" do noso Proxecto Gutenberg, dos nosos Textos do Poleiro... e de moitos máis traballos que levamos feito!

Picade na imaxe e xa veredes que cousiñas chulas! Por suposto, están fichadas e teñen o seu propio espazo especial na nosa sala de lectura, así que as podedes levar en préstamo cando queirades. 

E, aínda que sexa un ano raro, desexámosvos feliz Entroido. Xa chegará o tempo de celebrar!

"Especial Pandemias", quinta entrega: VIH Sida

 Unha das pandemias máis graves e recentes, cuxo primeiro caso data de 1981, é o SIDA, virus probablemente de orixe animal no que o sistema inmunolóxico queda tan deprimido que non é quen de facer fronte a outras agresións externas. Aprende máis sobre o Síndrome de Inmunodeficiencia Adquirida coa quinta pílula informativa do noso "Especial Pandemias"! 

"Especial Pandemias", cuarta entrega: A gripe española

 Sabiades que o primeiro caso de gripe (mal chamada) española non foi en España senón en EEUU? Alá vai a nosa seguinte pílula informativa do "Especial Pandemias"... 

"Especial Pandemias", terceira entrega: A peste negra.

No medievo a peste negra matou a un terzo da poboación europea. Foi un fenómeno que está ben recollido por historiadores e artistas da época pero que tamén aparece en pelis e literatura actual. 

Aprende máis sobre ela coa nosa pílula informativa do "Especial Pandemias" de hoxe!

Máis material do noso Seminario Permanente: O Románico

De novo a nosa experta en infografías Marta Varela agasállanos con esta fermosa presentación para que non vos perdades nada do Románico. As 4 claves definitivas!

Calendario científico escolar 2021

Hoxe achegámosvos o novo calendario científico 2021 do Ministerio de Ciencia e Innovación e a Fundación Española para a Ciencia e a Tecnoloxía que escolma efemérides importantes da ciencia e ten un fantástico traballo de deseño e ilustración realizado pola artista gráfica Belén Ballesteros.

Ademáis achega unha guía didáctica e a súa descarga é gratuíta, ademáis de ofertarse en galego, castelán, bable, catalán, euskera e inglés.

Pica no enlace de descarga para telo no teu equipo e podelo imprimir!