Nestes días estamos incorporando algúns libros curiosos ao noso "fondo histórico", previa ciruxía reconstrutiva. Son exemplares ben bonitos, doazóns feitas con agarimo para que queden nos nosos andeis.
Podedes consultar no catálogo, na materia "Hospital de libros", os exemplares arranxados no noso obradoiro.
Continuamos celebrando as Letras 2022 e non damos feito para amosarvos tanta produción como sae da nosa fábrica!
Hoxe, o material de traballo cos compañeiros de Trives e Valdeorras, que aproveitaron as sesións de docencia con Isidora Gil da mellor maneira, acadando uns resultados formidables.
As ilustracións elaboradas por estes equipos e os textos de Delgado Gurriarán convivirán harmoniosamente nestes libros autoproducidos.
Parabéns!!!
Pica na imaxe para ver a presentación completa!
Continuamos celebrando os Días do Libro. Con esta fermosura de titorial están os compañeiros e compañeiras de Maceda mellorando a súa técnica encadernadora da man de Isidora Gil, que está realizando con eles unhas sesións de docencia do máis produtivo. Xa levamos uns aniños nesto, dentro do noso Proxecto Gutenberg, e teñen saído da nosa factoría os fantásticos titoriais "Encadernacións para manazas" que podedes visitar aquí.
Polo momento deixámosvos este material e mandamos un saúdo aos profes de Maceda que o están facendo tan ben.
Continuando coas efemérides, celebramos o día 30 xaneiro o Día da Ilustración, e visibilizámolo con esta entrada da nosa bitácora.
Os nosos centros compañeiros de ilustración tamén o amosaron, e non queremos deixar de chamar a atención sobre as súas webs e blogs, ateigados de entradas interesantes e moitísimo traballo.
Picade nas imaxes para acceder ás entradas do Día da Ilustración e dádevos unha volta para ver as súas actividades.
O día 30 deste mes é o Día da Ilustración.
Para celebralo, querémosvos contar que estamos a impartir docencia nuns proxectos de formación en centros cos compañeiros de Trives e O Barco.
O curso pasado traballamos, como sabedes, con moito éxito, "O libro dos Moradores", do recentemente falecido Darío Xohán Cabana, e este ano estamos a traballar sobre Florencio Delgado Gurriarán. Deixámosvos este enlace á Aula de Ilustración, no que podedes ver os avances destes grupos de traballo para profes, pero tamén os do alumnado de debuxo do centro.
Aquí tendes máis información sobre o Día da Ilustración fornecido pola Asesoría de Bibliotecas Escolares
E tamén vos deixamos o catálogo de libro ilustrado para que veñades a sacalos de paseo. Non deixedes de botarlle unha ollada aos magníficos exemplares do o expositor de novidades, que hai moitas e boas!
Este é o proxecto do que vos adiantamos algunha cousiña... Xa saiu da imprenta en formato físico: un libriño ben xeitoso que podedes levar en préstamo da nosa biblio, pero como non temos ningún afán recaudatorio, partillámolo completiño de balde.
É o froito dun ambicioso proxecto levado a cabo co alumnado de 4ºESO nas materias de galego, historia e debuxo artístico: relato histórico en galego con fermosísimas ilustracións... Quen dá máis?
Agardamos que vos guste e desexámosvos feliz verán!
PD.- Igual algo quedou no tinteiro e asomamos todavía a esta bitácora para achegárvolo... todo pode ser.
E velaquí os apuntamentos que Isidora Gil elaborou como material de docencia para un grupo de profes que quere este libro de relatos curtos de Darío Xoán Cabana.
É unha preciosidade, está moi ben explicadiño, con exemplos e documentación, e con pistas e consellos para abordar semellante fazaña (ilustrar!). Podemos ver tamén os traballos que os profes están a elaborar, e que son ben xeitosos. A seguir así!
Felices vacacións!
Hoxe deixámosvos esta fermosa presentación na que pasiño a pasiño se nos van mostrando pistas para ilustrar un conto. É moi importante o feito de que a ilustración completa á historia, a aclara ou a adorna, así que finalmente non importa tanto a técnica... Non obstante, tamén nos da unhas pistas sobre diferentes materiais e técnicas, nos explica como documentarnos ou aporta ideas sobre a composición da ilustración.
Pero é mellor que a vexades pola vosa conta, que non ten desperdicio! Que aproveite!
Hoxe presentámosvos as nosas producións propias, das que estamos moi orgullosas: queremos "fachendear" do noso Proxecto Gutenberg, dos nosos Textos do Poleiro... e de moitos máis traballos que levamos feito!
Picade na imaxe e xa veredes que cousiñas chulas! Por suposto, están fichadas e teñen o seu propio espazo especial na nosa sala de lectura, así que as podedes levar en préstamo cando queirades.
E, aínda que sexa un ano raro, desexámosvos feliz Entroido. Xa chegará o tempo de celebrar!
