Dedicamos esta entrada aos nosos veciños do cole de Toén por ser un dos centros gañadores do concurso convocado pola RAG "Contádenos o voso día das letras galegas", xunto cos colexios Juan Fernández Latorre de A Coruña e Marcos da Portela de Pontevedra.
A través do seu blog da biblio Bloguesquío, do que nós temos sacado ideas moitas veces e que xa leva moitos anos en activo, podemos albiscar o seu bo facer e a biblio tan activa que teñen. Non é casualidade que o blog fora recoñecido co Selo de Boas Prácticas Leer.es en 2015. Nesta entrada informabamos dende a nosa bitácora desa gran noticia.
As actividades para a celebración do Día das Letras 2020 foron variadas: Debuxaron, buscaron a rúa Carvalho Calero de Ourense con Google Maps, contaron contos, e moito máis. Todo ese traballo, en condicións de confinamento e realizado con grande implicación de profesorado, alumnado e familias, foi recoñecido e valorado como merecía. Parabéns!
Preme na imaxe e entra en Bloguesquío!
Ningún comentario:
Publicar un comentario