martes, 6 de marzo de 2018

Historia das nosas mulleres ourensás

Xa non é a primeira vez que vos recomendamos esta bitácora de Rosa María Cid Galante, Historia das nosas mulleres ourensás.

Nas súas palabras, Ourense tamén conta con nomes propios de mulleres que transcederon na historia. Foron e son pioneiras destacadas en diferentes campos. Por tal motivo, é preciso recoñecelas xa que constitúen unha base importante na nosa historia local. Deste xeito, Ourense contribúe a ampliar a nómina das mulleres que ao longo da historia e en moitos lugares foron invisibles"

Curiosidades, artigos periodísticos, referencias bibliográficas, imaxes con historia... e moitas, moitas mini biografías para coñecer un pouco máis a realidade esquecida de moitas mulleres ourensás relevantes pola súa traxectoria vital. Todo elo da man de Rosa María Cid Galante, cuxa tese doutoral versou sobre este tema, en concreto o seu título é "Muller e educación en Ourense (1900-1930)". Ela mesma dedícase á docencia en educación secundaria e é unha gran investigadora e escritora.

Moi, moi interesante. A que esperades? Coñecer a realidade é o primeiro paso para mellorala!


Ningún comentario:

Publicar un comentario