Boas!
Comezamos semana e estamos de estrea.
Presentámosvos a nosa colección "Apagóns" (por entregas).
Hoxe deixámosvos unha aproximación xeral ao termo, comezando cos temidos apagóns eléctricos ou das redes pero xa anticipando outros: os apagóns da intelixencia.
Agardamos que vos guste este novo material da campaña "Un mundo feliz?" e que vos axude a comprender o mundo un pouco mellor. Estade atentos as vindeiras entregas!
Pica na imaxe para ver o documento completo.
E aquí rematamos os nosos Apagóns por entregas: o último, pero non menos sorprendente, o Terraplanismo.
Entra na presentación e fai unha viaxe pola concepción do mundo dende a antigüidade para rematar en pensamentos actuais que rexeitan teorías científicas que non se baseen na súa propia experiencia sensorial, se ben son moi activos en internet e dados a difundir bulos ou ideais "magufos".
Tamén na presentación podes atopar algúns referentes literarios baseados nestes pensamentos, ás veces ben divertidos. Que aproveite!
Pica na imaxe para ver a presentación completa!
Certamente, os apagóns enerxéticos meten medo... Pero que pasa cando é o raciocinio o que se apaga?
Hoxe traémosvos a esta sección de "Apagóns da intelixencia" aos tristemente famosos antivacinas. Amigos das teorías conspiranoicas, convencidos de que van un paso por diante do resto da humanidade "aborregada" e pouco dados a contrastar informacións máxicas, alieníxenas ou pseudoverdades varias, na maior parte dos casos é infrutuoso achegarlles argumentos empíricos ou a lo menos aceptados pola grande maioría da comunidade científica, porque as súas opinións son inamovibles.
Picade na imaxe para ler o documento completo!
Continuamos cos "apagóns da intelixencia": hoxe toca o creacionismo.
Deseño intelixente, creacionismo teísta ou fixismo son correntes que desbotan as teorías evolutivas que se teñen ido contrastando e investigando con grande esforzo por parte da comunidade científica.
Picade na imaxe para saber máis!
Continuamos cos apagóns da intelixencia: hoxe deixámosvos os negacionismos da chegada á lúa ou do holocausto nazi.
Argumentos contra evidencias e produción literaria e cinematográfica inspirada nestes feitos... Unha presentación ben completiña!
Picade na imaxe.
