Velaquí o vídeo-resumo do que ocorreu o día 10 de marzo nos actos do 8M organizados polo Concello nos que participamos todos os centros educativos da vila.
Os contos de Vero Rilo fixéronnos rir e pensar, o recital poético do alumnado emocionounos -e deunos que pensar tamén- e o manifesto nos animou a traballar pola igualdade. Non vale parar!
.jpeg)
.jpeg)
Por mor dunha alerta meteorolóxica, os actos de visibilización do 8M non puideron ir adiante na súa data: tivémolos que adiar para o pasado día 15.
Reunido todo o centro no pavillón polideportivo, e tras unhas palabras moi emotivas da profesora do departamento de Lingua e Literatura Teresa Devesa Graña, o baile e a actividade física foron os protagonistas da xornada. Como dixo Teresa, facendo súas e reinterpretando as palabras de Martin Luther King, o noso soño sería que non houbera necesidade dun 8 de marzo. Ogallá.
Deixámosvos testemuño audiovisual das actividades.
.jpeg)
Botamos man do noso cartaz do curso pasado, elaborado por nós, porque é atemporal. É un cartaz da memoria, do non esquecer para mellorar.
Así de chulo quedou un dos nosos corredores coa exposición que recompila os traballos do alumnado arredor do 8M.
Mulleres históricas e actuais comparten cartaz co manifesto redactado polo alumnado que puidemos escoitar nos actos organizados polo Concello para todos os centros educativos da vila.
Unha biblioteca é un espazo cheo de libros, películas, cómics... que se moven; que se moven coma os ratos de Celso Emilio: "Un rato é unha cousa que se move"; nas bibliotecas tamén hai "ratos"; eses "ratos"particulares son as persoas, persoas coma Belén Sánchez, que creou, moveu, liscou, traballou, viviu, amou e fixo que a nosa biblioteca sexa hoxe o que é; por iso será a nosa sala de lectura "Belém Sánchez" no momento do seu xubileo.
.jpeg)
O 8 de Marzo conmemoramos a loita da metade da humanidade por facerse co seu espazo correspondente, en igualdade coa outra parte, buscando un desenvolvemento íntegro como persoa e visibilizando os seus logros. Aquí as orixes da conmemoración.
O IES realizará as actividades máis visibles o vindeiro día 10, nos que participará nun acto organizado polo concello no Auditorio Municipal Ilduara, "Elas" (narración oral, de Vero Rilo), do que xa vos informaremos e aportaremos material gráfico, pois ademáis o alumnado de literatura universal realizará un recital reivindicativo.
Dende os diversos departamentos estanse a facer actividades varias que iremos referindo, e de momento, por se pode ser de utilidade, deixamos aquí unha escolma de material, propio e alleo:
A nosa campaña VOCES DE MULLER.
TODAS as entradas nas que aparece a palabra MULLER (Máis de 100).
O noso blog Cómprame a Igualdade
O Fío de Ariadna, que nos valeu o Sello de Cooperación Bibliotecaria.
Que todos os días sexan o Día da Muller ata que por fin poidamos deixar de sinalalo.
