mércores, 20 de marzo de 2019

Exposición nas mesas da biblio III: Mulleres Científicas

Certos pensadores chegaron a afirmar mesmo que a muller non tiña a mente preparada para o traballo científico. Que atrevemento! O certo é que se non tiñan acceso a estudos, nin sequera do máis básico, mal ían desenvolver unha carreira científica.

En proceso de superar todo iso, hoxe temos a boa noticia, por fin, de que o Premio "Nobel" foi concedido a unha matemática, Karen Uhlenbeck. En realidade, as matemáticas non están entre as disciplinas premiadas nos premios Nobel, pero o premio máis importante no que a matemática se refire, o Premio Abel, recoñece a traxectoria e relevancia desta científica e recae por primeira vez na súa existencia nunha muller.

E por se aínda pensabades que non hai mulleres na ciencia, aquí vos queda a exposición da mesa III da biblio. Que aproveite!


Ningún comentario:

Publicar un comentario