Preparando o 25N... e celebrando o 19N

Andamos a pleno rendemento, todas e todos a unha, para preparar un 25N que non nos deixe indiferentes... Bueno, en realidade un 26, que é o día que o imos conmemorar.

Comezamos partillando este artigo que nos conta por que o 25N é o día que visibiliza a violencia de xénero. 

Fálanos sobre as irmás Mirabal, activistas en contra do dictador Trujillo (Rep. Dominicana) que foron asasinadas o 25N de 1960. Os movementos feministas da rexión acuñaron esta data, reivindicación á que se uniu a ONU en 1999 para declarar o 25N como Día Internacional para a Eliminación da Violencia contra a Muller. 

Non queremos deixar de comentar outra efeméride: a do pasado 19N, día no que, fai 85 anos as mulleres votaron por primeira vez en España, aprobado o 1 de outubro de 1931 grazas a un histórico debate e á determinación da deputada Clara Campoamor.

A Biblioteca Nacional non quixo deixar de celebrar este aniversario lembrando como o contaron os diversos medios da época. Podes velo neste enlace.