FELIZ DÍA DO LIBRO!

 Todos os días o son, sempre dicimos o mesmo... Pero por que o celebramos hoxe? Bótalle un ollo a este enlace no que temos varias actividades doutros anos e a estoutro para documentarte...

Feliz semana do libro!!!! Hoxe, O Papagaio!

 Agardamos que as vacacións foran estupendamente.

Inauguramos semana do libro cunha proposta: como a biblio está subscrita á revista O Papagaio, que saibades que se pode acceder ao seu formato virtual nos dispositivos do centro mediante o seguinte enlace:

https://opapagaio.gal/rexistro/

Que aproveite! E feliz lectura!

O XOGO DA OCA DE CELANOVA

Que mellor que ampliar os nosos coñecementos xogando? 

Con todas e todos vós, o Xogo da Oca de Celanova!!!  

Como material elaborado na campaña da biblioteca "O Fogar das Musas" , queremos poñelo a disposición de toda a comunidade educativa e da vila de Celanova, e pensamos que é unha boa maneira de poñer en valor o noso patrimonio. Aquí podedes acceder ao repositorio con todo o material elaborado e recompilado dentro da campaña, con cantidade de información sobre a nosa contorna.

Por suposto que as 63 casas do xogo non dan para percorrer todas as nosas fortalezas artísticas, literarias, históricas, paisaxísticas, inmateriais... pero é unha boa maneira de comezar a interesarse por elas e defendelas como merecen. Que o gocedes!

Pica na imaxe para ver o taboleiro en pdf imprimible por ambas caras...

Pica na imaxe para acceder á información de todas as localizacións.

BOLETÍN TRIMESTRAL DE INFORMACIÓN ÁS FAMILIAS

 Velaquí o noso boletín que recolle algunhas as actividades que levamos feito no centro. Preme na imaxe! Aquí podes visitar o histórico de boletíns.

Concerto de Primavera: pianistas de luxo

 Onte gozamos dun fermosísimo concerto no que o noso alumnado (e unha profe solta) e o da EMBC deron o mellor de si.

Ata tivemos a oportunidade de escoitar, en estrea, a opera prima dun dos nosos alumnos. Deixamos programa do concerto e algunhas fotos. Aquí podes acceder ao álbum "Os Concertos da Biblio"

VISITAS!!!

 Comezou a tempada das visitas. Ademáis das escolares, outros grupos e institucións veñen visitarnos, algunhas veces da man da Fundación Curros e outras por outros medios.

As participantes no roteiro Celanova Terra de Mestras:

Pica na imaxe para ver o álbum completo.

Tamén nos visitou o Instituto de Estudios Miñoráns.

E, durante os actos de homenaxe aos represaliados coa inauguración do memorial do Cemiterio de San Breixo, as familias visitaron o centro da man do Comité de Memoria Histórica Terras de Celanova con Rodríguez Teijeiro e Fernando Serrulla. Preme aquí para ver a crónica completa. 

Para finalizar o trimestre, Concerto de Primavera!