Obradoiro de cartaces con Baldomero Moreiras

As profes da biblio estamos inmersas nun plan de formación permanente do profesorado que nos dota de recursos varios na nosa labor docente e como bibliotecarias. Desta vez temos a sorte de estar recibindo formación artística, conceptual e visual nun obradoiro de cartaces con Baldomero Moreiras. 

O seren quen de trasladar ideas ao plano visual, dun xeito sintético e esquemático, e como abordar sistematicamente este traballo pode darnos ferramentas moi importantes, non só para a elaboración de cartaces en si como para aplicar estas aprendizaxes á nosa práctica docente.

Nunha primeira sesión, o día 28, revisamos o proceso creativo, partillando conceptos e tomando referentes. Na próxima poñerémonos mans á obra elaborando cartaces para o 8M, que como sabedes, pode ser calquera día do ano e así debe ser visibilizado. Preparadas cartolinas, pegamento e tesoiras, o propio 8M teremos a segunda sesión. Deixámosvos unhas fotos, cortesía de Carlos Alonso.